Samstag, September 30, 2017

واریدی - جمشید منوری


ای کونول گیتدی او گون, شوکت و شانیم واریدی
ایندی جان یوخدی , قدیم غملره جانیم واریدی
کرم اصلی ناغیلیدی, من ایدیم ,کرسی باشی
سؤیلیه ردیم کئفیلن , ایستی مکانیم واریدی
اوخویاردیم غزلی گرچه یاناردی اوره گیم
بیر بئله غم لریلن شور جوانیم واریدی
واعظین طعنه سینه یاندیم و یاندیقجا , دیدیم
بو عجبشیرده منیم نام و نشانیم واریدی
ایندی باخما قوجایام جانیمی درد وغم آلیب
ظالمین دورماقا قارشیندا توانیم واریدی
سازیلا صحبت اولاندا توکولردی غزلیم
نیلییم شاعیریدیم سوزلی دهانیم واریدی
منوری 26/6/94

Keine Kommentare: