Freitag, September 08, 2017

قوجاغیندا - بهمن وطن اوغلو

من جنتی پوچ ساناردیم  
گولوم سنین قوجاغیندا
بیهوش اولوم قوی لال اولسون  
دیلیم سنین قوجاغیندا
*
مهربانیم دین ایمانیم   
سنه قربان اولدو اولدو
منیم شیرین جانیم
گولوم سنین قوجاغیندا
*
ییخسا منی قضاوقدر
جوان عؤمروم گئتسه هدر
خوشدور منه  چکسم اگر
ظولوم سنین قوجاغیندا
*
نییه گئتدین قانا – قانا
منی قویدون یانا – یانا
*
یا وعده وی بو یازا وئر
یا بهمنی گودازا وئر
بیرجه دفعه اجازه وئر
اؤلوم سنین قوجاغیندا
*
مه له مه جئیران مه له مه
کهنه دردیم تزه له مه
قاش گؤزووی سرمه له مه
گل یاخاوی دویمه له مه
*
بهمن وطن اوغلو

Keine Kommentare: