Samstag, September 30, 2017

اولام - جمشید منوری

ایستیرم بیر گون اولا شاهد بستانون اولام
دووار اوسته اوتوروب بلبل دستانون اولام
گتوروبلر خبری رخش سواریم گلوسن
کاش گلم کویوه جاروکش میدانون اولام
ای نگاریم نه اولار بیر ده اولا مصر قدیم
سن زلیخا اولاسان من ده کی زندانون اولام
بیر نولایدی بو گیله م گول یاناقوندا خال اولا
کنج لبده اوتوروب ذوقیله حیرانون اولام
گوله سن گول یاناقوندا ن دوشم اول چالیه من
بوغولام هی ال اتک زلف پریشانون اولام
یاز منور غزلی منده سه گاهین اوخویوم
سئوه ره م بیر کی آغیز موصطفی پایانون اولام

واریدی - جمشید منوری


ای کونول گیتدی او گون, شوکت و شانیم واریدی
ایندی جان یوخدی , قدیم غملره جانیم واریدی
کرم اصلی ناغیلیدی, من ایدیم ,کرسی باشی
سؤیلیه ردیم کئفیلن , ایستی مکانیم واریدی
اوخویاردیم غزلی گرچه یاناردی اوره گیم
بیر بئله غم لریلن شور جوانیم واریدی
واعظین طعنه سینه یاندیم و یاندیقجا , دیدیم
بو عجبشیرده منیم نام و نشانیم واریدی
ایندی باخما قوجایام جانیمی درد وغم آلیب
ظالمین دورماقا قارشیندا توانیم واریدی
سازیلا صحبت اولاندا توکولردی غزلیم
نیلییم شاعیریدیم سوزلی دهانیم واریدی
منوری 26/6/94

قالدی - جمشید منوری



منیم دارو نداریمدن ، بو دیوان قالدی من قالدیم
غزل سرویم اوجالدیقجا ، خرامان قالدی من قالدیم
شکایت ایتمیرم اما ، وصالون اولمادی امکان
سنه چاتمیر الیم شاها , بوهجران قالدی من قالدیم
یورولدیم خسته یم دنیا ، غمیندن بسدی رحم ایله
یاخامدان چک الون ، تنها گریبان قالدی من قالدیم
غم و غصه باشیمدان داشدی ، ای دنیای کج رفتار
دوغولماقدان منه ، عمر پریشان قالدی من قالدیم
صفای مجلس جانان ، منه هیچ اولمادی قسمت
فلک محکومیم ، بیر کنج زندان قالدی من قالدیم
نولار یاد ائیلیوم خط چلیپای نگاریمدن
قلم سیندی مرکب یوخ ، قلمدان قالدی من قالدیم
پریشان حالیم ایله گه قاچیب ، گاهی دایاندیم من
منه مجنون تک کوه و بیابان قالدی من قالدیم
*
شاعر : جمشید منوری
 

Donnerstag, September 14, 2017

دونیا - شجاعت


هامی بیر بیچیمده یارانمیر له له
بیریمیز ائیله ییک ، بیریمیز بئله
الیندن قورتاران اولماییب هله
کسیب بند بره نی گدییی دونیا
*
ظالیمین ، نادانین ، یوزونو یئدی
آخیردا چوخلارین سؤزونو یئدی
نئچه حوکومدارین اؤزونویئدی
سؤزده دورمک کیمی ، یئدییی دونیا
*
ائشیتمه دی تیمور لنگین سؤزونو
یئر اوزوندن یوخ ائیله دی ایزینی
یئره قویدو اسکندرین دیزینی
غرورلا « منیم دی » دئدییی دونیا
*
شجاعت دوی درین ، فیکیرلش درین
کیم توتوب ساخلاییب ، عؤمرون تکرین
آللاه دان آللاه لیق ایسته ین لرین
چوخ وئریب الینه ، دودویو دونیا
*

Mittwoch, September 13, 2017

سفرنامه - کریمی مراغه ای

ساغلیغیمدا منی یاد ائت اخوی
من اؤلندن سورا جیرما یَخَوی
ساغلیغیمدا منی دیندیر دیلیلن
گلمه ترحیمیمه تاج و گولیلن
ساغلیغیمدا الیوی چک باشیما
یاخما بورنون زیلیغین باش داشیما
تا وارام اوزمه الیمدن، الیوی
نه قرا گئی نه اوزاد سقلووی
قوی یانیم من سنه ، سنده منه یان
سن منه جان دی؛ ، دئییم من سنه جان
ساللاما قبریمه شالوارباغیوی
دایاما بریرومه س..؛ دا… وئ
دیلیم اولسئیدی بوزاردیم تاغیوی
الیم اولسئیدی کسردیم آغیوی
ساغلیغیمدا قولووی بوینوما سال
گاهی گاهی ، بوسینان گونلومی آل
هئش گلیب قبریمه یاد ائتمه منی
باشیما چالما غلط فاتیحه نی
قالاما شمعیله سونقار گؤ… مه
اولموشم  یاخمامیشام بال گؤ..مه
کاش گورکان قویا قبریمه دلیک
منیله دفن اولا بیر جانلی چلیک
او آداملار کی گلیر فاتیحیه
ساغلیغیمدا منه چیخمازدی ییه
اوزادئیدیم کفن آتدان چلیگی
زور وئریدیم گنلردی دلیگی
بابا ساغلیغیمدا منیم گول اؤزئمه
مشتری اول سؤزومه هم اؤزومه
منی تشویق ائله طلعت لریله

گونلومی شاد ائله دعوت لریله
نه یالاندان چپی، قه قه لریله
مرسی، احسن، یاشا، به به لریله
ائل گرک قیمت اشعاری بیله
نیه ایراندا گرک شاعیر اؤله
صنعت شعری چکیبلر فسادا
دوشدی بازاری فصاحت کاسادا
بیر غزل کی گلیر عشقیله باشا
کیم آلیر غزلی بیر لاواشا
سعدی، حافظ، بابا طاهر، خیام
سحرین ائتدی ناهار، ناهارسیز آخشام
گئیمدی اینینه قیمتدی قبا
سالمادی چیگنینه بیر تازه عبا
شهریارین آدی دیللرده گزیر
تازه حیدر بابا اللرده گزیر
بیر کیچیک ائوده گونون وئردی باشا
قالدی بیر مانقالی بیر حوققا ماشا
ای خدا وئر بیزه بیر عقل و شعور
شاعری ائلمیک زینده به گور