Samstag, April 23, 2016

وار - احمد شوقی تبریزی

ای یار بوُ عشقینده سنین چوخ ھوسیم وار
باشیمدا بوُ سُودا اولاجاق تا نفسیم وار
جان وئرمیشم ای شوخ سنه روز ازلدن
فکر ائیلمه سندن دخی بیر غیری کسیم وار
یاد ائتدیکجه وصلینی چوُن روی زمینده
فریاد ائلیرم چرخ معُلاده سه سیم وار
مجنون کمی ھمراه ایلدیم جُمله طُیُوری
باشیمدا یُووا دوتماق اوچون خارُ و خسیم وار
غم لشکری سالمیش منی عالمده حصاره
حبس ایچره عنادیل کیمی گویا قفسیم وار
لیلی دئدی مجنونی خبردار ایدن آگاه
ھم ناقه ی بانکیله منیم تا جرسیم وار
سن بیر دئمه سن ھاردا قالوب عاشیق دلسوز
میندیم گزه رم عشق دیارین فره سیم وار
دیل مرغی سیه زولفونه بند اولدی نیگاریم
دوشدیم بو سلاسیلره بیلکیم عسسیم وار
عجز ائیله معین ایستمنم اھل جھاندان
بیل شوقی یئتر دادیما فریادرسیم وار 

Samstag, April 09, 2016

گئجه لر آغلایان قادین - احمد شاهیداوف


گئجه لر آغلایان قادین
منیم چون گئجه لر آغلایان قادین
سنین گؤز یاشینا سوسامیشام من
قلبینه قارالار باغلایان قادین
سن آللاه باغیشلا قانمامیشام من
آللاهدان هدیه بیلیب آلدیغیم
حیات دا مقدس اینسان ساندیغیم
ایلک گوندن پیغمبر آدلاندیردیغیم
سنین اوجاغینا گؤوه نمیشم من
الیندن ایاغیندا اؤپدویوم قادین
هئچ ایاغینین توزو اولمامیشام من
حیات دا سئودیگیم یگانه قادین
سنه لایق اولا بیلمه میشم من
حیات دا هر زامان اوجا توتموشام
یوزلرله دوشمنین یوزلرله یادین
یانیندا هئچ زامان بیلدیرمه میشم
کیم دیرکی قلبیمده سئودییم قادین
اوشاق دک یوللاردا قالیب گؤزلریم
گؤرمه دیک جه بیرآزدا دلی اولموشام
بیلیرم قلبینه ده ییب سؤزلریم
واللاه من ایت کیمی پئشمان اولموشام
سیندیردین سئوگینین قولون قانادین
سن سیز چابالایان قوشا دؤنموشم
قارشیندا دیز چؤکورم سئودییم قادین
باغیشلا سهویمی باشادوشموشم