Donnerstag, August 18, 2016

قوربان اولدوغوم - میکائیل مشفق

بیلمم منی نئیچون آتمیش اونوتموش
عهد و پیمانینا قوربان اولدوغوم
یوخسا اؤزگه سینه اوزونو توتموش
یئنی سئوداسینا قوربان اولدوغوم
*
او منیم او سئوگیلیم ، او منیم سونام
اونسوز گولمز اوزوم آچیلماز آینام
بیلمم هاردا قالدی او نازلی دورنام
او خوش صداسینا قوربان اولدوغوم
*
آیریلیق اودونا کؤنول دایانماز
عشق اودونا یانان بیرداها یانماز
چکدیغیم ناله دن نئیچون اویانماز
شیرین رویاسینا قوربان اولدوغوم

Keine Kommentare: