Donnerstag, Februar 27, 2014

سئچیلمیش اثرلر ، بیر گؤی قدر غم - عبدالقادر بلوچ

 
1
دارم دنبال کسی می گردم
که مرا بشناسد
من
در
خاطره ای
گم شده ام
*
بیرینی آختاریرام منی تانییا
من بیر
خاطیره ایچینده
ایتمیشم
*
2
ساحل ، گسترده در خیالم
دریا ، مرده در چشمانم
من در حسرت شنا
شانه به شانه ی موج درد می روم
*
ساحیل منیم خایالیما سه ریلیب
دئنیز ، گؤزلریمده اؤلوب
من اوزمه نیسگیلیله
آجیلار دالغاسیلا چیین به چیین گئدیرم
*
3
لب هایم
دروغ را می خندند
دلم
راستی را گریه می کند
*
دوداقلاریم
یالانا گولور
اوره گیم
دوغرویا آغلیر
*
4
آویزانم
از آخرین شاخه ی امید
بوی طوفان می اید
*
آسلانیخلی یام
اومودون سون بوتاغیندان
فیرتینا قوخوسو گلیر
*
5
زندگی تکرار مردنها نیست
حوصله ات را پیدا کن
ترانه های زیادی برایت خواهم خواند
من از نک انگشتان تو خواهم چکید
*
یاشام اؤلمک لرین تکراری دئییل
حوصله یه گل
سنه چوخلو ماهنی لار اوخویاجایام
من سنین بارماقلارینین اوجوندان داماجایام
*
6
داستانهای زیادی در من مرده اند
من
در
داستان تو نفس می کشم
*
من ده چوخلو ناغیللار اؤلوبلر
من سنین ناغیلیندا یاشییرام
*
7
از خستگی
تشنه ام
برای یک لیوان مردن
*
یورغونلوقدان
سوسوزام
بیر بارداق اؤلومه
*
8
در کوچه پس کوچه هایی گم شده ام که
نگاه تو آن جا
خورشید است
من بد سرانجامی ام را گریه می کنم
*
ائله بیر کوچه لرین ایچینده ایتمیشم کی
اوردا سنین باخیشین
گونش دی
من آنلیمین آجی یازیسینا آغلیرام
*
9
دو سه گام مانده
من افتاده از پا
تو بیا
*
ایکی اوچ آددیم قالیب
ایاقدان دوشموشم
گل
*
10
تنها نیستم
خاکستر سیگارت
غنیتمی است
بی حضور تو
*
یالقیز دئییلم
سیگاریوین کولو
سنین یوخلوغوندا
بیر غنیمت دیر
*

از کتاب یک آسمان اندوه - عبدالقادر بلوچ 
*

Montag, Februar 17, 2014

گؤزگو - نسیم جعفری


گوزگویه باخیرام
گوزگوده سورمه لی گوزلریم داریخیر
گوزگویه باخیرام
گوزگوده دوداقلاریمداکی ماتیک داریخیر
گوزگویه باخیرام
گوزگوده یاناغلاریمداکی شئح مینجیق لار داریخیر
گوزگویه باخیرام
گوزگوده ساچلاریمداکی گونه باخان لار داریخیر

گوزگویه باخیرام
گوزگوده ائینیمده کی آغ حریر کوینه ییمین قیرمیزی گول لری داریخیر
گوزگویه باخیرام
گوزگوده کیرشانلی گئجه مین اولدوزلاری داریخیر
گوزگویه باخیرام
گوزگوده 14 گئجه لیک آی داریخیر

گوزگویه باخیرام
گوزگوده ایلیق دونیام داریخیر
گوزگویه باخیرام
گوزگوده گوزگوم داریخیر

گوزگونو سیندیریرام
سن توکولورسن یئره ...
ائییلیرم یئردن ییغیشدیرام سنی
باتیرسان اللریمه
بارماقلاریم قاناییر
کپنک لر اوچور کوینه ییمده کی قیزیل گوللرین اوستوندن ...

اویناییر - نسیم جعفری


بیر گئجه تکلیک اونونده گلدی سس دان اویناییر

گوزگوده هر بیر باخیشدا مین گوز عیرفان اویناییر

ال اوزاتدیم گوزلریندن بیر قیسیم پای آلماغا

گوردوم ایلهام اورتاسیندا جان دئییر جان اویناییر

من سیخیلدیم اولدوزون شکلینده جان تاپماقلیغا

آی جالاندی ، گوز قاماشدی ، گوردوم هریان اویناییر

گوزلریمدن یاش آخار کن کیپریگیمدن چاخدی اود !

چیپجالاندیم دالغا دالغا منده طوفان اویناییر

منده یا هوهو دییرکن یا اناالحق سویله دیم

گوردوم آلله اولموشام روحومدا اینسان اویناییر

نسیم جعفری - هوشنگ جعفری زنگانلی نین شاعیر قیزی
*

Dienstag, Februar 04, 2014

آغ بولاق - هوشنگ جعفری



آغ بولاق ، اغلا بولاق
قوي سويون آخسين گؤله ساري
كؤچ ائديب گئتدي جاوانلار
سوواران يوخ مومالاري
چكيله قددي يوخاري
قالانين يوخدو چيخاري
قوجاليبلار، گيجاليبلار
اودو داي كتده قاليبلار
*
آغ بولاق آغلا بولاق
بلكه آغاجلار جانا گلسين
قارا چككيرته ني ديندير ، سازي چالسين
سويون اوستونده زؤلوك اويناغا گلسين
گؤزلر قايناغا گلسين
بلكه قان يانقاغا گلسين
قارا چككيرته ده مدت دي كي داي غم تاري چالمير
اودا داي حال خبر آلمير
*
آغ بولاق آغلا بولاق
سوتلوگنلرده بيزيم تك سوته حسرت قالاجاقدير
آغ يئل اسديكجه
آغاجلار ساراليب – گادمالارين
داي قورويوب يارپاقيلان تار چالاجاقدير
اوندا داي كيم قالاجاقدير ؟
كيم آغيزليق آچاجاقدير
باغا كيم سو سالاجاقدير
گؤرورم يونجالار اطرافي بوتون مور و ملخدي
آغ بولاق قايناماغين وختي نه وخدي ؟
*
آغ بولاق آغلا بولاق
باغچادا گوللر ساراليبدير
باغبان بسكي سو فيكرينده قاليبدير قوجاليبدير
خزل اطرافي آليبدير
بيزي پيس درده ساليبدير
شيشه ي عومروموزي داشه چاليبدير
اودو داي عمر آزاليبدير
گؤرورم يونجالاري لي لك اولاغ لار اوتاريب دير
يونجادان گول قوتاريبدير
*
آغ بولاق آغلا بولاق
قوي خشه لر باشين اوجالتسين
هرزه اوتلار يئره باتسين
ممل ايستير آتي ساتسين
يئرينه بير اولاغ آلسين
آخي بوردا نييه قالسين ؟
نه اوميديله دايانسين
اؤزونو كول – كوسا سالسين
نه ممريله دولانسين ؟
نييه قالسين ؟
كدخداني گؤروسن كتده اؤزون باغلادي گئتدي
كندلي نين وار – يوخون آلدي سيبيلين ياغلادي گئتدي
*
آغ بولاق ، آغلا بولاق
غم يئنه اوضاني قاتيب دير
مشه سولطان دا بيزيم باغچايا بير جمدك آتيب دير
گوشه ده آج قالان ايت لر بوتون اطراف دا ياتيب دير
ديشلري قانه باتيب دير
اله فرصت دي چاتيب دير
*
آغ بولاق آغلا بولاق
سن اگر قايناياسان بيزده سازالليق
ييغيشيب يكسره اطرافيني آلليق
قورويان دشته سو سالليق
سن اگر قايناماسان
بيزده سوزالليق
بيزده داي اوندا گيجالليق
سو خياليله قوجالليق
آغ بولاق بس بو نه حالتدي قاليب سان ؟
آغ بولاق بس بو نه وحشتدي ساليب سان ؟
*
آغ بولاق ، آغلا بولاق
سنده گؤزل خاطيره لر وار
سنده بير خان بالاسيندان سوراغيم وار
سنده بير غصه لي غملي قوناغيم وار
سنده بير چال پاپاغيم وار
سنده سينماز داياغيم وار
سنده بير « جعفري » تك شعريده شاعير ساياغيم وار
اونا حرمت ائدنين گؤگلو شاد اولسون
اودا غربت ده دي اوندان دا ياد اولسون

آغ بولاق ، آغلا بولاق