Mittwoch, Oktober 30, 2013

گئدیرم - علی آقا واحد

گئدیرم اؤزگه یارین شمعینه پروانه اولام
سئوگیمه لاییق اولان دیلبره دیوانه اولام
بیلمه دین قدریمی سن ، چوخلی منه ظولم ائله دین
گئدیرم ای داش اورک من سنه بیگانه اولام
عاقیلیدیم سنین عشقینده بئله من دلی اولدوم
یوخدی ایمکان کی دؤنوب بیر داها فرزانه اولام
ایندی کی اوز چؤووروب طالع فرزانه لیغیم
گئدیرم من می ایچم ساکین میخانه اولام
منه لیلا گرک اولسون ، نه گوزل سئوملی یار
گئدیرم مجنونا تای عشقیده افسانه اولام
دئمه دیم بونلاری تا سن منه دوشمن اولاسان
بولگونن ایستییرم من کیمه جانانه اولام

*
می روم تا پروانه شمع یاری دیگر باشم
دیوانه یاری باشم که لایق عشقم باشد
قیمتم را ندانستی ، ستم کردی به من
می روم ای سنگدل تا با تو بیگانه شوم
عاقل بودم و عشقت دیوانه ام کرد
دیگر امکانی نیست که عاقل شوم
حالا که فرزانگی از من روی گردانده
می روم می بخورم ساکن میخانه شوم
احتیاج به لیلا دارم نه یار زیبا روی
می روم همچو مجنون افسانه در عشق شوم
اینها را نگفتم تا دشمنم شوی
بدان که نمی خواهم جانانه کسی شوم
علی آقا واحد
*

Montag, Oktober 21, 2013

قاداسین آلدیغیم - عاشق قربانی

سحرین دان یئلی کیمی 
اسمه قاداسین آلدیغیم
منیم صبر و قراریمی
کسمه قاداسین آلدیغیم
بیزیم باغدا گول درگینه ن
سیخ کؤنلونه گول هؤرگونه ن
آغ اوزون بوزا وئرگینه ن
اسمه قاداسین آلدیغیم
قربانی عاشیق اوزونه
قربان دی آلا گؤزونه
باخما یادلارین سؤزونه
کوسمه قاداسین آلدیغیم

هئچ گلمیرسن بولاق اوسته - عاشق قربانی

هئچ گلمیرسن بولاق اوسته
گونده اوچ یول گلیرم من
اووزومه سویوق باخیرسان
اوره گینی بیلیرم من
کاشکی گؤزل اولمایایدین
سارالیبان سولمایایدین
منله آشنا اولمایایدین
آیریلاندا اؤلورم من
گول دیبینی خارا گوردون
بلبلو آه زارا گرردون
قربانی نی بیچارا گؤردون
گئدیرسن گدت گلیرم من

Sonntag, Oktober 20, 2013

گلمیسن - گولایه شینیخلی

نئچه قرینه لر یوروب گلمیسن
نئچه زنجیرلری قیریب گلمیسن
کیمنن عونوانیمی سوروب گلمیسن 
اونسوزدا چوخالمیش ذیللی ظولمتیم
آی منیم گؤزلری ، کور محبتیم 
بیرگی گئتدیک بو یوللاری بیز قوشا
چاخدین منی هر قایایا هر داشا
کؤنول وئردیم بیر خیالی سرخوشا
هدر اولدو هر چکیلن زحمتیم
آی منیم گؤزلری ، کور محبتیم
کرمین قوروتک قور گتیرمیسن
طیلسیم لی دونومو دار گتیرمیسن
آی وجدان سیز
حسرتدن گؤزومه تور گتیرمیسن
بودورمو بختیمه دوشن خلعتیم
آی منیم گؤزلری کور محبتیم

سنین - عاشق حسین جوان


 

تؤکولوبدور آق بوخاغا

خورمایی تئللرین سنین

یاراشیر قایماق دوداغا

شیرین دیر دیللرین سنین

دوشمه سین ائللری درده

غم قالماسین اوره کلرده

گزیر دیل سیز پرده لرده

صنعت کار اللرین سنین

حسین اوخور زیلده بم ده

قالماسین کؤنوللر غم ده

ائل سؤزلری وار سینه مده

وار اولسون ائللرین سنین

*