Dienstag, Juli 30, 2013

اولموش - ملا محمد فضولی

بت نورسیم نمازه شب و روز راغب اولموش
بو نه دین دیر آللاه آللاه بتا سجده لازیم اولموش؟
اثر قبول طاعت ، اونا وئرمیش اؤیله حالت
کی قلوب اهل حاله ، حرکاتی جاذب اولموش
فرحیم کوروب جفاسین حسناته داخل ائیلر
نه ملک کیم اول پری نین عملینه کاتب اولموش
نه عجب گر اولسا غم دن دونوم و گونوم برابر
نظریم دن اول اوزو گل نئچه گ.ن کی غایب اولموش
غم هجردیرکی آرتار الم ایله ، عشق ذوقی
غلط ایله میش فضولی کی وصاله طالب اولموش

راز عشقین ساخلارام - ملا محمد فضولی

راز عشقین ساخلارام ائل دن نهان ای سرو ناز
گئتسه باشیم شمع تک ، ممکن دئییل افشای راز
خوب لر محراب ابرو سینه میل ائتمز فقیه
اؤلسه کافردیر مسلمان لار اونا قیلمایین ناماز
کیمسه اول بدخویه اظهار ائده بیلمز دردیمی
ای سرود ناله تانری چون سن اول گیلن چاره ساز
قالبیم گؤرموش تهی تؤکمک دیلر بیر تازه روح
برق آهیم کیم کلن پیکانینه وئرمیش کداز
من خود اؤلدوم ای تابیم دن اولان ساغر مدام
رندلر بزمین گزیب بیر - بیر یئتیر من دن نیاز
خوب صورت لردن ای ناصح منی منع ائتمه کیم
پرتو انوار خورشید حقیقت دیر مجاز
ای فضولی قالمیشام حیرت ده بیلمن نئیله ییم
دهر ظالیم بخت نافرجام طلب چوخ عمر آز

یئتمزمی ؟ - ملا محمد فضولی

کؤنول یئتدی اجل ، ذوق رخ دلدار یئتمزمی؟
آغاردی موی سر ، سودای زلف یار یئتمزمی؟
یئتیردی باشینی گردن ایاغه یار محنت دن
خیال حلقه گیسوی عنبربار یئتمزمی؟
سنه یئتدی اجل پیمانه سین نوش ائتمه گه نوبت
هوای چشم مست و غمزه خونخوار یئتمزمی؟
یئتر اولدو قولاغه بانک رحلت ، دهر باغین ده
نه دورموش سان ، تماشای گل رخسار یئتمزمی؟
یئتر جمع ائتمه بار معصیت ، تغییر اطوار ائت
حیا قیل ، یوخ می دیر انصافین ، اول کیم وار یئتمزمی؟
هدایت منزیلینه یئتدیلر ، سعی ایله اقرانین
ضلالت ایچره سن قالدین ، سنه اول عار یئتمزمی؟
فضولی سانما یئتمک منزل مقصوده مشکل دیر
توتان دامان شرع احمد مختار یئتمزمی؟

ائتمه سه - ملا محمد فضولی

عاقبت آهیم منیم اول ماهه تاثیر ائتمه سه
بونجا افسونوم پریوش یاری تسخیر ائتمه سه
یار حال زاریمه بیر فیکر تدبیر ائتمه سه
بی وفالیق رسمینی گلدیک جه تغییر ائتمه سه
اول جوان نازنین میلی منی پیر ائتمه سه
توتارام بیر یار صادق ، عمر تقصیر ائتمه سه
یار یار اولماز کؤنول عشاقیله بیر ائتمه سه
زولفونو عاشق لرین بوینونا زنجیر ائتمه سه
عاشقین قصدینه یوز نیرنگ و تزویر ائتمه سه
گؤرمه ین ساعت ده یوز عذر ایله تقریر ائتمه سه
سن سیز اولماق آیری محنت دن ، بلادن بیر زامان
الامان هجران ، بلا و محنتین دن الامان

بیلمیر - ملا محمد فضولی

فغان کی باغریمین قان اولدوغون او لاله رخ بیلمز
جگر پرکاله سین ده داغ پنهان اولدوغون بیلمز
حبیبیم کؤنلومو جمع ائیله مز رخساری دورون دن
مگر زلفی کیمی حالیم پریشان اولدوغون بیلمز
قیلار تقصیر ائدیب بیر لطف هر دم کرنلوم آلماق دا
وفا رسمین سانیر دشوار ، اسان اولدوغون بیلمز
گؤزل لر دولت وصلین بولان ، مغرور اولان عاشق
نشاط وصل ده ، اندوه هجران اولدوغون بیلمز
دل صد پاره دن بیدادی کسمز غمزه مستین
نه غافل پادشه دیر ، ملک ویران اولدوغون بیلمز
سانیر زاهد اؤزون خالی خیلین دن غلط دیر بو
او حیران اولدوغون دان دیر کی حیران اولدوغون بیلمز
فضولی خسته یه دشمن سؤزیله دوست جور ائیلر
زهی ساده معارض ، قول بهتان اولدوغون بیلمز

گؤرجک - ملا محمد فضولی

کؤنلوم آچیلیر زلف پریشانینی گؤرجک
نطقیم توتولور ، غنچه خندانینی گؤرجک
باخدیقجا سنه قان ساچیلیر دیده لریمدن
باغریم دلینیر ناوک مژگانینی گؤرجک
رعنالیق ایله قامت شمشاد قیلان باد
اولمازمی خجل سرو خرامانینی گؤرجک
چوخ عشقه هوس ائده نی گؤردوم کی هواسین
ترک ائتدی سنین عاشق نالانینی گؤرجک
کافر کی دئییل معترف نار جمهنم
ایمانه گلیر آتش هجرانینی گؤرجک
نازک لیک ایله غنچه خندانین ائدن یاد
ائتمزمی حیا لعل در افشانینی گؤرجک
سن حال دلین سویله مه سن نولا فضولی؟
ائل فهم قیلیر چاک گریبانینی گؤرجک

سنه - ملا محمد فضولی

غم دن اؤلدوم دئمه دیم حال دل زار سنه
ای گل تازه روا گؤرمه دیم آزار سنه
ایچ می ناب کی باغرین دان ائدر جمله کباب
آتش عشق ایله عشاق جگر خوار سنه
می گلگون دا دئییل نرگس مستین عکسی
قدح اولموش گؤز آچیب عاشق دیدار سنه
عارضین گل گل ائدیب دیر می گلگون تابی
وه کی بیر گل دن آچیلمیش نئچه گلزار سنه
باغه سئیر ائت بو لب لعل ایله کیم غنچه گل
گوستره خون دل و دیده خونبار سنه
دئییردیم قامتینه سرو ولی اؤزگه ایمیش
حرکات و روش و شیوه رفتار سنه
اییلیب طرف بنا گوشینه درد دلیمی
یا او « طاق » ین دئیه یا طره طرار سنه
تا گرفالرینم آزاد اولا بیلمم غم دن
هیچ کیم اولماسین ای شوخ ، گرفتار سنه
لعل نابین هوسی ، باغریمی قان ائیله دی گن
آه کیم ، قانلی باشیم قیلمادی اظهار سنه
ای فضولی ، فلکین وار سنین له نظری
کیم غم و محنتینی وئردی نه کیم وار سنه

ناله دن دیر - ملا محمد فضولی

ناله دن دیر نی کیمی آوازه عشقیم بلند
ناله ترکین قیلمارام نی تک کسیلسم بند - بند
قیل مدد ای بخت ، یوخسا کام دل ممکن دئییل
بؤیله کی او دلربا بی درد دیر من دردمند
داغ لر دیر اودلو کؤکسوم دن قاراسی قوپمامیش
یا ثبات عشق ایچون اود اوزره بیر نئچه سپند
آچیلیر کؤنلوم گهی کیم گریه تخلیم گؤروب
آچار او گلرخ تبسم بیرله لعل نوشخند
خاک راهیم دن منی قالدیرا بیلمز سایه تک
قیلسا گردون آفتابین هر شعاعین بیر کمند
جام توت دئر ساقی گلچهره زاهد ترک جام
ای کؤنول فکر ایله گؤر کیم ، هانسی دیر توتماغا پند
ای فضولی ، صورت فقرین قبول دوست دور
هیچ درویشی ، سنین تک گررمه دیم سلطان پسند

کؤنلوم - ملا محمد فضولی

توتوشدو غم اودونا شاد گؤردویون کؤنلوم
مقید اولدو او آزاد گؤردویون کؤنلوم
دیار هجرده سیل ستم دن اولدو خراب
فضای عشق ده آباد گؤردویون کؤنلوم
نه گؤردو باده ده بیلمم کی اولدو باده پرست
مرید مشرب زهاد گؤردویون کؤنلوم
فراقین اودونو گؤردکجه موم تک اریدی
ثبات صبرده فولاد گؤردویون کؤنلوم
گتیردی عجز ، گؤروب عشق مشکل اولدوغونو
هامی هنرلره استاد گؤردویون کؤنلوم
دئییل دی بؤیله دمین ده بیر اهل عشرت ایدی
بو قانلا ایچمه یه معتاد گؤردویون کؤنلوم
فضولی ایله دی آهنگ عیش خانه روم
اسیر محنت بغداد گؤردویون کؤنلوم

تولکو - چاراویماقلی سلیمان نور اللهی

تۆلکو بیر گۆن دره دن صبح ایدی دێرماشدێ داغا
دۇردو بیر دقت ایله‌ن باخدێ سوْلا باخدێ سـاغا
گؤردۆ بیر یاغلێ خوْروز کتـده چیـخـیـبدیـر قـالاغا
آغـزێ بـۇرنــون یـالئـیـیــب قـۇیـروغـونـو بیـر بـۇلادێ
داشێن اۆستونده دۇروب قۇرد کیمی حئیوان اۇلادێ
ناخوْش اینسان نئجه آرمود یئتیشینجه دارێخـار
ایستی‌ده تشنه نئجه باشێنی کهریزه سوْخار
یئریک آرواد نئجه تۇرش آلچایا حســرتله باخـار
باخدێ باخـدێ دئـدی منلـه‌ن بیلیـره‌م کینـه‌سـی وار
قالاق اۆسته‌ن سالا بیلسه‌م یئمه‌لی سینه‌سی وار
قۇلاغ آسدی گؤره هئـچ چـؤلـده اۇشـاق زاد آتـێلێـر
گینه اووه‌ل کـی کـیمـی کتــده داوار مــال قـاتێـلێـر
گؤردو بیر «قووو» دئییسه‌ن باشدا قۇلاقلار دۇتـولـور
نه گله‌ن وار، نه گئده‌ن وار، نه کؤپک وار نه پیشیک
نه چوْبان وار، نه ناخێرچی، نه ده نؤکر نه کئـشیک
یئکسـره شهره کؤچۆب کتـدی‌لـر آغـدان قــره‌یــه
کیـم قالێب ال-چؤره‌گیله‌ن بالـێ قاتسێن کــره‌یـه
چـۆرودوب آیـرانێنـێ آغ شــوْرۇ باسسێـن دری‌یـه
نه قالێب خان اۇجالا شؤهرتی افلاکه چاتا
نه قالێب به‌ی چیخه دامدان گلینه آلما آتا
نه سۇ وار مزرعـه‌لـرده نـه گلیـر جـۆتجـو سسی
بێراخێب چای-چیمنی بیریانا قاچمێش هره‌سی
اوْ یئکه ائولر اوْلوب قۇرد یئری، بایـقۇش قفه‌سی
بیر کؤپک دامدا کئشیکدی ائله پیس حالدا یاتێب
ائله بیل تزریقـی معتـاد هئـروئیـن قورصـی آتێـب
الغـرض! کنـده گـلیـب تـۆلکـو اوْ اۇستــاد کلـه‌ک
حاجێ فیلانی کیمی حوْققاباز-وْ-حـیلـه ده تـک
ظاهری خوْش ولی باطن‌ده کؤپک اوْغلێ کؤپک
بیر اۇزون تسبح ایله‌ن چؤلده دۇروب ذکر اوْخۇیار
ائـوده بافنـده دی شئیطان باشینا بؤرک توْخۇیار
دۇردو باخدێ خوْرۇزا تؤکدو اۆزه گـؤز یاشێنـێ
چکیلیـب دال-دالا بیـر دیـوارا وێـردی باشێنـێ
دئدی قارداشدا بۇجور یاده سالار قارداشێنێ
گل آشاغا سنه قۇربان قــوْلۇوی بوْینــۇما سال
گر یئرون اوْلماسا منله‌ن گئده‌گین باغچادا قال
ایندی هر نه دئییرم سؤزلریمه دۇز قۇلاق آس
دۆشمه تشویشه اوْغۇل ائیله‌مه چوْخ خوف-وْ-هراس
من سنی ایسته‌ییره‌م سنده منی باغرۇوا باس
تزه بایرام یئتیشیب بیر-بیره ائل‌لر قارێشیر
سنی یالقۇز گؤرۆره‌م من بئله قلبیم آلێشیر
الۇوی وئر الیمه اؤلکه‌نیزین داشێن آتاق
بلکه تهراندا گئدیب درهم-وْ-دیناره چاتاق
بوْشلا بۇ چاله سری بیزده گئدیب وان دا یاتاق
اوْردا لی شالوارێ گئی زاد-مادێ سیخ منگه‌نه‌ ده
باشۇوێ آلمانێ وێر سققه‌لی ساخلا چنه ده
تهرانا گئتدی چوْخو باغلادێ همّت کمری
«گۆل قیزین» داغدا آجێندان ییخیلیب اؤلدۆ اَری
گؤرنه آزاد دوْلانێر ایندی قێزی ماه پری
رنگی باش، مصنوعی قاش، سۆرمه‌لی گؤز عینکی‌دی
یانچاغێ مانتوون آلتدا ائله بیل کی سَکیدی
گله لعنت، گتیریب مملکته مُد سالانا
اؤرکه‌نه گئن تومانی، چادرانێ وئردیک پالانا
قوْرخ هله دایچا کیمی قیز گله چێلپاق دوْلانا
اوْندان اولاد عمله گلسه هروئین ساز اوْلۇر
الکلی، بنگی و یا دامدا دۇروب قۇشباز اوْلور
سنه دشمن دگیله‌م ائیله‌مه بو فکر-ی-خامی
قارێشیب بیر بیره ملت باجێ قارداشدێ هامی
من حرام مئیل ائله‌مه‌کده‌ن دالا چکدیم یاخامی
نه دی دونیا ساتام ایمانێمی بیر پوْنـزا اَتـه
من گره‌ک فکر ائلییه‌م ایندی داداش آخرته
بیر گۆنی دال درده عربه ده چکدیم دئییره‌م
بیرده‌ن اوْن دؤرد توْیۇغۇن قانێنێ تؤکدۆم دئییره‌م
ایشچی‌نین ائیمه‌سی‌نین قارنێنی سؤکدۆم دئییره‌م
قۇرد کیمی داغدا دۇروب حمله ائدیردیم داوارا
چئینه‌دیم جۆت قئییشین جۆتچونو قوْیدۇم آوارا
هر یئره کی یئتیشیب ظلم ده طغیان ائله‌دیم
ائله وقت اوْلدۇ کی من گۆنده اوْتۇز قان ائله‌دیم
باجالاردان سوْخۇلوب نین‌لری ویران ائله‌دیم
قلبیمه دغدغه وئردی ائله شیطان-ی-رجیم
آناجێ تۇتدوم آپاردێم جوجه‌لر قالدێ یتیم
آمما ایندی ائلئییب قددیمی دؤرد قات قوْجالێق
قوْهۇمێ قارداشێ مندن ائلئییب یاد قوْجالێق
ائیلییه‌رمیش کیشینی دهریده آرواد، قوْجالێق
ذره‌بین عینکیله‌ن قارغانێ میلچک گؤرۆره‌م
گئجه‌نی صبحه کیمی دیک دایانێب اؤسگۆروره‌م
قوْجالێق کی یئتیشیر قدرتی اینساندان آلێر
سرطان، دیکس-ی-کمر، اللی جۆره درده سالێر
قلبووه گلمسه گر عقلیده باشدا آزالێر
ایکی رکعت‌دی نامازدا قارێخیر اؤز اؤزونه
ایسته‌ییر سجدیه گئتسین دالێ باخمێر سؤزینه
سن اؤزونده گئجه هئی صبحه کیمی بانلئییسان
بیلیره‌م نیّتیوی بی نامازی دانلئییسان
ایندی ملّت چوْخۇ معتاد دی بۇنو آنلئییسان
نشئه حالیندا جوان پیک نیکین اۆستونده قالێر
سیمی سنجاقه چکه‌نده نفسی دالدان آلێر
بیر یئکه داشدێ سالێب معتاد اؤزی اؤز باشێنا
قارێشێب آب-ی-دهانی چنه ده گؤز یاشێنا
ائوده آرواد جلب اوْلسا، یێغار اؤز اوْیناشێنا
خالق یییه‌ر، اؤزگه ایچه‌ر، تندیرین اؤزگه قالێیار
بۇ پیشیک تک فقط آشپازخانادا قاب یالێیار
تۆلکۆیه باخدێ خوْرۇز وئردی بۇ نوعلیه جواب
دئدی قوْی گئت گئده! ای ابله-ی-بد حق-وْ-حئساب
دونیادا سن نه قانێبسان، نه‌دی عوصیان و ثواب
سن کیمی کاذب-وْ-جاهل، گره‌ک اؤلسۆن اریسین
دۆنه‌ن آخشام موْتالێن، تؤوله‌ده جیردین دریسین
باشۇوێ سیلکه‌لئییب وئرمه منه دردسری
باشێ مؤمن، دیبی کافر، سؤزۆوین یوْخ اثری
کیم ائدیب عابد-وْ-زاهد، سن-ی-تک حیله‌گری
ائششه‌گین دوْنبالانێن لاشخوْر الینده‌ن آلێسان
ایکی ساعت‌دی یالاندان منه زێرنا چالێسان
بیزه هر یان کی کله‌کدی داخێ سن وۇرما کله‌ک
همده‌میم گئتدی الیمده‌ن ائویمی ییخدی فله‌ک
بۇ گئجه آروادێمێ قابلامایا قوْیدۇر مله‌ک
توْی اوْلا یا یاس اوْلا یا حاجێ گلسه آشارێق
گاهی چؤلمه‌کده یاتێب، گه پیلوْوا دێرماشارێق
باخێر آشپازخانایا قلب نوراللهی یانێر
تویۇغۇ هاممی یئیه‌نمه‌ز، بۇنی عاله‌مده قانێر
اهل-ی-عیالین اۆزۆنه دیک باخا بیلمیر اۇتانێر
نئیله‌سین هر کیلوسو بیر دوه‌نین قیمتیدی 
اوْدا کی ایندی چوْخۇ تۆلکۆلرین قسمتیدی
*
http://dasbulaq.persianblog.ir/
*

سئوگیلی یارین - موغان اوغلو

من نئیله یه رم !؟ گورسم اوزون سئوگیلی یاریـن
بیــــر نازینا قوربان او لارام. نازلــــی نیگاریــــــن

دوزدوم مـن اونون هجرینه ، او. بیلمه میش اولماز

بیلمه م نییه ! پوزمـــوش منیلــه . وصل قـراریـــن

عشق عالمی بیر وادی کـی . هـرکس. گئده بیلمه ز

مجنون نـدی کــی . سائلــی اولــدوم بـــو دیاریــن

فــــرهاد یاریب داغــلاری ؛ مـن سینه مـی، یاردیـم

عاشیق لــره من اوئیــره دیـره م . عشق شعاریـن

دونیــایـه گلـــه نـده ن ، باشیــم آیــریلمـادی داردان

منصـوره دئیین، چوخدا!گوزه . چکمـه یـه داریـــن

ای بـاد صبـا! اس.! یارا منـــده ن بـونــو، سوئیله

چات دادینــا قـــورتاردی جانــی، عاشق – زاریــن

بیچــاره « مـوغان اوغلـو» دا بـو حسرتــه یـانــدی

یول اوستــه قازیــن ،! گلسـه تاپـا ، یاری مزاریــن
*
منبع : موغان اوغلونون وبلاکی

دیلیم - هوشنگ جعفری

دیلیم یالقیز ، دیلیم یالقیزدیر آی قیز
اوغول شیرین ولی قیز بالدیر آی قیز
آماندیر یه لیک دور تورکون دیلیندن
اوکی اصلین دانا کال قیزدیر آی قیز
بیزیم تورکون دیلی گول دن ظریف دی
بوتون دیللر دال اولسا بو الف دی
ادب ده علم ده هر بیر هنرده
سیز آللاه تورکلره کیم لر حریف دی
وارلیقدا بوتون وار یوخوموز شعر و غزل دی
هر بیر غزلی اللی آرا تورکه مثل دی
من جعفری ام سؤز یازارام تورکو دیلینده
تورکون بالاسی تورکو اوغلان نه گؤزل دی
*

ملانصرالدیندن بیر نئچه حکایه

 1 - ملانین ائششک ساتماغی
گونلرین بیر گونونده ملا ائششه یینی ساتماغ اوچون بارازا آپاردی. ائششک گلن آلیجییا قاباقدان آغزینی آچدی کی دیشله سین دالی آیاقلاینان دا میضراغ آتدی. بیر یولدان گئچن دئدی : آی ملا بو گئدیشله هئچ کیم بو ائششه یی آلماز.
ملا دئدی : آی بالام من ده ساتماق ایسته میرم کی ، فقط ایستیرم جماعات گؤرسون کی من بو ائششه یین الیندن نه چکیرم
*
2 - ملاینان اوشاغی
گونلرین بیر گونونده موللا اوشاغینین اغلاماق سه سینی ائشیدیب اوتاغینا گئده ر . گؤره ر اوشاق شیرن - شیرین آغلیر.
سوروشار: گؤزل بالام نییه آغلیرسان ؟
اوشاق دئیر : هئچ ، اؤز اؤزومه ناغیل دئییردیم. ناغیلیمدا دئو واریدی . قورخومدان کی گلیب منی یئه ر آغلیرام
فارسی جا سی بوردا
 *
 3 - اوغرونو تاپین
بیر گونلرین بیر گونونده ، ملا بیر کنددن گئچیردی. بیر اوغرو اونون ائششکینین
خورجونون اوغورلار. ملا دئییر : تئز اولون خورجونومو تاپین . یوخسا او ایشی کی گرگ
گؤرمویم گؤره رم.
قورخاق کندلی لر تئز اویان بویانی اختاریب اوغرونو توتوپ خورجونو ملایا قئیتریب ،
دئییرلر : ملا ایندی دئی گؤرک خورجونو تاپماسایدیق نئینردین؟
ملا دئییر : هئچ ! ائوده کی گیلیمی ییرتیب بیر خورجون قاییریب ، ائششکیمین
بئلینه سالاردیم.
فارسی متنی بوردا
*
4 - ملاینان زوربا کیشی
گونلرین بیر گونونده ملایولدان گئچیردی. گؤزو گؤرمدی بیر زوربا کیشییه بیر محکم شاپالاق ووردی.زوربا کیشی باشلادی ملایا یامان دئمه یه. ملا ائشیدیب ایکی آددیم قاباغا یئرییب سوروشدو : منه یامان دئییرسن ؟
زوربا کیشی ایکی آددیم قاباغا یئرییب دئدی : یوخ سنین آتا آناوا یامان دئییرم.
ملا ایکی آددیم دالی یئرییب دئدی :آهان ، باغیشلاگینان دئدیم به منه یامان دئییرسن.
*
فارسی متنی بوردا
*
5 - اربابنان اکینچی
بیر گون ملادان سوروشارلار : سن جه ارباب اؤنملی دی یوخسا اکینچی؟
ملا دئیر : اکینچی
سوروشارلار : نه اوچون؟
دئییر : اونون اوچون کی اکینچی ایشله مه سه ارباب آجیندان اؤلر
فارسی متنی - حکایات و طنزهای شیرین ملانصرالدین بورادا
*

Montag, Juli 29, 2013

ملانصرالدین و اوغرو - میرزا علی اکبر صابر

ملانین بؤرکونو چالیب اوغرو
یوگوروب قاچدی بیر باغا دوغرو
باخمادی اوغروسو گئدیر نه ره یه
اؤزو آنجاق یوگوردو مقبره یه
ملانی گؤردولر دورور اورادا
دئدیلر : دورموسان نئچون بورادا
دئدی : بیر اوغرو بؤرکومو چالدی
قاچدی گئتدی ، باشیم آچیق قالدی
دئدیلر : اوغرو قاچدی گئتدی باغا
بورادا بوش اوتورما دور آیاغا
باغا دوغرو گئت ائیله مه اهمال
اوغرونی تاپ اویئرده بؤرکونو آل
ـ نه مه لازیم دئدی که باغ هارادور
اوغرونون عاقیبت یئری بورادو
*

ملا نصرالدینین یورغانی - میرزاعلی اکبر صابر

گئجه یاتماق زامانی چاتمیشیدی
ملانصرالدین ائوده یاتمیشیدی
ناگهان کوچه ده اوجالدی صدا
وور - هارای دوشدو ، قوپدو بیر غوغا
ملا چیینینده یورغانی در حال
کوچه یه چیخدی مضطرب احوال
گؤردو بیر یاندا بیر آغیر دسته
سانکی مینمیش آداملار اوست اوسته
ایسته دی دسته یه طرف گئتسین
بو ییغینجاق ندیر سوال ائتسین
اشبو اثناده بیر نفر طرار
یورغانی قاپدو ناگه ائتدی فرار
ملا بو قصه ده ن پریشان حال
ائوینه دؤنجه ک ، عورت ائتدی سوال
دئ گؤروم کوچه ده نه وار آ کیشی ؟
بو نه دعوا دور آنلاد بو ایشی ؟
دئدی یورغان ایچون ایمیش بو تلاش
یورغانی قاپدیلار کسیلدی ساواش

جانیم یاندی گل - اسکندر حیدری

چوللره دوشموش سني چوخ اوزله ديم
قالميشام حسرتده جانيم ياندي گل
هـر گـئـجـه گونـدوز يـولـونـو گوزله ديم
قالميشام حسرتده جانيم ياندي گل
آي گوزو حسرتلي باخيش هارداسان
نازلا دولو اينجه ياغيش هارداسان
سوسما بئله دينله دانيش هارداسان
قالميشام حسرتده جانيم ياندي گل
من نئجه سئوگيمله سنه باغلييام
گور نئجه يانليزليقيما داغلييام
بيرده بو سن سيزليقيمه آغلييام
قالميشام حسرتده جانيم ياندي گل
كوز قالانيب سينه مين اوسته يانير
كونلوم اولوب قان ئوره گيم اودلانير
اولمويا سئوگي بئله جه يادلانير
قالميشام حسرتده جانيم ياندي گل
ايسته ميرم بيرده اياز اسمه سين
مندن آراز اينجيمه سين كوسمه سين
ياراولا بيلمز كي مني سئومه سين
قالميشام حسرتده جانيم ياندي گل
غم هاواسي قوندو سازين اوستونه
يئندي پاييز شن لي يازين اوستونه
مكتوبومون بيرده يازين اوستونه
قالميشام حسرتده جانيم ياندي گل
بو اوزانان آيريليقي كيم ساليب
كيم مني سندن سني مندن آليب
كيم دايانيب آيريليقيا كيم قاليب
قالميشام حسرتده جانيم ياندي گل
كيم دوزه جك بير بئله سن سيزليگه
باخ نئجه دوزدون نئجه من سيزليگه
يوخدو علاج شاخدالي شن سيزليگه ؟
قالميشام حسرتده جانيم ياندي گل
ايندي منم بيرده آغاج كولگه سي
قالميش ئوره كده ياريمين ئوفگه سي
سئوداميزي آنلاماسين ئوزگه سي
قالميشام حسرتده جانيم ياندي گل
يالواريرام عشقيميزين سون چاغي
باخ توكولور سئوداميزين يارپاقي
قويما اولام آيريليقين دوستاقي
قالميشام حسرتده جانيم ياندي گل
شعر : اسکندر حیدری- پلدشت

تپیک ووران قار قولچاغی

قیشیدی ، بیر آغیر قار یاغمیشدی. بابامنان من قاپیمیزین قاباغیندا بیردنه یئکه و گؤزل قار قولچاغی قاییردیق. بیردنه سوپورگه الینه وئردیک بیر قابی دا بؤرک یئرینه باشینا قویدوخ.
سحر تئزدن یوخودان دوروب قار قولچاغینی گؤرمه یه گئتدیم. وای ! قار قولچاغی خاراب اولوب یئره دوشموشدو. چوخ خینوو ائلدیم. آغلاماغیم گلدی.
بابام گؤرموشدو کی بیر کیشی گلیب کئچه نده اونو خارابلییب کئچیب . اونا گؤره ده ایسته دی او کیشینی بیر ایپ اوسته قویا.بیر دنه آق اوزون پالتار اینینه گئیدی . بیر پارچانین دا اوستونه آغیز بورون قاش گؤز چکیب ، اوزونه چکدی. بیردنه ده سوپورگه الینه آلدی قار قولچاغی کیمی اللرینی آچیب قاپیمیزین قاباغیندا دوردو.
من پئنجره دن ائشییه باخیردیم. گؤردوم بیر کیشی گلیب ایسته دی قار قولچاغین خارابلییا ، تا الینی قار قولچاغینا ساری اوزالتدی ، بابام بیر گؤزل تپیک اونون دالیسینا ووردو. سورادا چوخ یاواش قارقولچاغی کیمی دوز دوردو. اما یادیندان چیخمیشدی کی قار قولچاغی کیمی اللرینی آچا.کیشی حیرت ده قالمیشدی « بو نه قار قولچاغیدی کی تپیک وورا بیلیر !!!!»
قصه های من و بابام : اریش اوزر
بازپرداخت و نوشته ایرج جهانشاهی دن اوخویوب و ترکی جه سینی یازدیم

قیسسا سؤز - صالح عطائی

کسیلمیش آغاجلارین دا کؤلگه سی وار
یالنیز سرین دئییل
سویوق دور
*

قیسسا سؤزلر - سهند نظمی

آغلادیق
دئنیزی سئل آپاردی
جولو - جولویه قالمادی

درد دل با سماور - عالم تاج قائم مقامی - ژاله

 ای همدم مهرپرور من
ای یار من ای سماور من
از زمزمه تو شد می آلود
اجزا لطیف ساغر من
سوزی عجبت گرفته ، گوئی
در سینه توست آذر من
در دیده سرشک و در دل آتش
مانا تو منی برابر من
آموخته رسم اشکباری
چشم تو ز دیده تر من
بس روز و شبا که در کنارت
بودم من و بود مادر من
می خواست تنوره تو انگشت
زانگشت ظریف خواهر من
قرآن خواندی دعا نمودی
بابای خجسته اختر من
از بعد نماز صبح می کرد
سیری به کتاب و دفتر من
آن هر دو فرشته پر کشیدند
بر چرخ و شکسته شد پر من
زان پس ره رفتگان گرفتند
هم خواهر و هم برادر من
در این کهن آشیانه اکنون
من مانده ام و تو در بر من
دستی نه که برفشاند از مهر
خاکی که نشسته بر سر من
پائی نه که بر فلک گریاد
زین غمکده جسم لاغر من
آن جاه و مقام و عشق و الفت
شد شسته ز چشم و منظر من
چون نقش قدم سترده شد آه
نقش همگان ز خاطر من
ای نغمه سرای قصه پرداز
بنشین به کنار بستر من
با زمزمه ای ظریف و آرام
آبی بفشان بر آذر من
تا با تو نشسته ام غمم نیست
ای همدم شادی آور من
دانم که نمی شود به تحقیق
چون اول قصه آخر من
آینده نیامده است و رفته
آبی است گذشته از سر من
پس شاد نشین و شادیم ده
ای زمزمه گر سماور من
ا

ایکی شعر الناز نستوه دان

 بو گئجه
بو گئجه قارانلیق بویو
اولدوزلاری ایچکم ایسته ییرم
و دوداقلاریمدان بیره ر - بیره ر بیچمک
گؤزلریمین قوناقلیقیندا بیر
یالنیز بیر کره اویناماق
و کپنک لر ایله دونماق ایسته ییرم بو گئجه
گئجه دیر و گؤزلریم اوزونتولاردانپاوزاق
اوزاق
اوزاق
اوزانماق ایسته ییر گؤزلرینه
بو گئجه گؤنلومجه قویلانماق ایسته ییرم
الناز نستوه تولد ۱۳۶۱ - وفات ۱۳۸۶
منبع ماهنامه آفتاب آذربایجان


بیر آددیم
بیر آددیم بری
بیر آددیم گئری
یانی بوراسی
اؤلومون کؤلگه سی
شاعیر اولماق ایسته میرم
بوتون دردلر قانیما قاریشیر
هرآن
هر سانلق
آیاقلاریم بیر - بیرینه دولاشیر
منی داشیر
باغریم آشیر
شاعیر اولماق ایسته میرم
اوره ییمده اؤلومون یوواسی
داملا - داملا قورولدو قانیما
بوراسی تانری نین یوواسی
بیر آددیم بری
بیر آددیم گئری
شاعیر اولماق ایسته میرم

بیر قیسسا سؤز 
اوره گیمین بوخجاسینا بوکدوم سنی
گؤزلریمدن ایتنده
اوره ییمده قالاسان
*

چه می شد آخر ای مادر - عالم تاج قائم مقامی - ژاله

چه می شد آخر ای مادر اگر شوهر نمی کردم
گرفتار بلا خود را چه می شد گر نمی کردم
گر از بدبختی ام افسانه خوانی داستان گوئی
به بدبختی قسم ، آن قصه را باور نمی کردم
مگر باری گران بودیم و مشت استخوان ما
پدر را پشت خم می کرد ، اگر شوهر نمی کردم
بر آن گسترده خوان ، گوئی چه بودم گربه ای کوچک
که غیر از لقمه ای نان خواهشی دیگر نمی کردم
زر و زیور فراوان بود و زیر منتم اما
من مسکین تمنای زر و زیور نمی کردم
گرم چون خوش قدم مطبخ نشین می ساختی بی شک
چو او می کردمت خدمت ، از او بهتر نمی کردم ؟
به دل می ریختی زهرم ، به سر می کوفتی کفشم
اگر این تاج کفشت را به سر افسر نمی کردم
گرفتم آب حیوان داشت بر کف یار بی چونم
چه می شد گر من از این باده در ساغر نمی کردم
گرفتم آب حیوان بود کوی نازنین شوهر
چه می شد من گر از این چشمه کامی تر نمی کردم
نگویم پیر و ممسک بود و آتش خو ولی آخر
بدان نابالغی شوهر ، چه می شد گر نمی کردم
ور این پایان کارم بود ، خوشتر کان سبابت را
حبا در خدمت استاد دانشور نمی کردم
مقامات از چه می خواندم ، مقولات از چه می دیدم
چه می شد گر عرض را فرق از جوهر نمی کردم
بیان را و معانی را چه سود و چه زیان بودی
به منطق گر معانی را بیان پرور نمی کردم
تو اکنون با پدر در سینه خاکی و شوهر هم
حکایت کاش از این افسانه با دفتر نمی کردم
دلم دریای خونست ، ارنه در دامان تنهائی
شکایت از پدر یا ناله از مادر نمی کردم
تو در خاکی و من بر تربتت چون شمع می سوزم
وگر نه حمله بر آن مشت خاکستر نمی کردم
پدر را و ترا آوخ گر اندک تجربت بودی
من اکنون ناله از بی مهری اختر نمی کردم
وگر از دست بی صبری وجودم در امان بودی
حکایت نه زتو کز قهر جهان داور نمی کردم
بخواب ای نازنین مادر ، وزین درد آشنا بگذر
که گر اشکم روان می شد ، شکایت سر نمی کردم

ایکی یابانجی - احمد سلجوق

داها دون ال اله توتوشورکن بیز
داها دون دیز دیزه اوتورورکن بیز
زامانا یئنیلدی بیتدی سئوگیمیز
ایکی یابانجی ییز اینی شهیرده
*
هاتیرلا او گونو یالواران کیمدی؟
گیتمه دور دئییب ده ساریلان کیمدی؟
آرتیق نه سئوگیلی نه دوستوز شیمدی
ایکی یابانجی ییز آینی شهیرده
*
گؤز گؤزه گلسکده بیر گون یئنی دن
آلیب گله مسسین دونو ماضی دن
بیر فارکی کالدی می اللرین مندن؟
ایکی یابانجی ییز بیر شهیرده بیز
*

اینسان اوغلو نان کوردور - احمد سلجوق

حیات بو ایی تانی
زامان ساغیر عاش کوردور
نردن وورور بیلینمز
اینسان اوغلو نان کوردور
*
یالانی یاراتان او
دونیانی کاراتان او
ائلچی آراتان او
اینسان اوغلو نان کوردور
*
تانیدیکجا گلنی
آراسین هئث گیدنی
وورور سیرتیندان سنی
اینسان اوغلو نان کوردور
*
عیصیان ائدیپ آغلارسین
دومان دومان یانارسین
بیر گون سن ده آنلارسین
اینسان اوغلو نان کوردور
*
اونوتمایی اوندان سور
ایهانتی اوندان گؤر
جان نان کور ، جانان نان کور
اینسان اوغلو نان کوردور
*
بین لر جه ییل سونراسی
ایشته بیر تک میراثی
ساواش ، آجلیق ، گؤز یاشی
اینسان اوغلو نان کوردور
*

Donnerstag, Juli 25, 2013

اولماز - زهره ، طاهر

وفالییا امک چکسه ن ایتیرمه ز
بد اصیل نصیحت اؤیود گؤتورمه ز
قاباق تاغی تر شاماما یئتیرمه ز
گؤی سؤیودده هئیوا اولماز نار اولماز
*
باوفا حق را گم نمی کند 
بد اصل نضیحت نمی پذیرد 
شاخه کدو تنبل ، خرمالو نمی دهد 
درخت بید میوه به و انار نمی دهد
*  

صفالار گتیریب تشریف بویوردون - ملا پناه واقف

صفالار گتیریب تشریف بویوردون
قدم باسدین بیزه ، قربانم اولدوغوم
آز قالا کی سنین حسرتین بیزی
اینجلتمیشدی اوزه ، قربان اولدوغوم
..
سن گلدین نور دولدو ائوه اتاغا
گلدیین یوللارا ، جانیم صداغا
دوروب قربان اولماق سن تک قوناغا
نوش دور جانیمیزا ، قربان اولدوغوم
..
من مایلم سن دن دوشمه رم ،حاشا
بولوت زولفه ، آق قاباغا ، آی قاشا
قوی دویونجا باخسین ، ائتسین تماشا
حیران دی گؤز گؤزه ، قربان اولدوغوم
..
سن قدیینه یاشیل آللار گئییجی
واقف داخی سنه غزل دئییجی
شکر اللاها دئییل آدام یئییجی
ئولور گلسن بیزه ، قربان اولدوغوم

سیاه تئللی بیر صنمین اوجوندان - ملا پناه واقف

سیاه تئللی بیر صنمین اوچوندان
بادا گئتدی دین - ایمانلار افندی
او اوداکی من دوشموشم یانیرام
دوشمه سین هئچ مسلمانلار افندی
*
کؤنول دئییل سن گؤردویون هاوادا
دردیم اولور گوندن گونه زیادا
هر زامان دوشنده لب لری یادا
تؤکولور گؤزومدن قانلار افندی
*
منیم مئیلیم یوخدور سلطاندا خاندا
یاریمین آرزوسون ساخلارام جاندا
خالق دا بیلیر منیم کؤنلوم اوندا
اولسا یوز مین نوجوانلار افندی
*
موللا اودور هر نه گؤرسه کتابدا
اونو شرح ائیلیه حاق دا حساب دا
واقف دئییر سنه منه بو باب دا
هله آزدیر بو دیوانلار افندی

بو نئجه ظولومدور - ملا پناه واقف

بو نئجه ظولمدور منه ائیلیرسن
آدام مگر بیر انصافا گلمزمی ؟
بیرگون گؤره رسن کی والله اؤلموشم
بو قدیر درد چکن آخیر اؤلمزمی؟
*
خوبلارین بعضی سی نئچه زاد اولور
یارین غمگین قویار اؤزو شاد اولور
بیر سئوگی کی ، سئوگیسیندن یاد اولور
مگر اونون یاخشی لیغین بیلمزمی؟
*
خوبلاردا عادت دی، نزاکت ساتار
گئنه خیالینی خیالا قاتار
گؤزل اولان مگر باشین دیک توتار
عاشیقیندن دوغرو هئچ آیریلمازمی
*
عشق اودونا یاندی جانیم سربه سر
آللاها باخ ، ای ظالیم و ستمگر
عاشیقینه قانلار آغلادان دیلبر
رحمه گلیب گؤز یاشینی سیلمزمی؟
*
بیر پری اولایدی بو دم دن اؤترو
اؤزون اؤلدوره یدی آدم دن اؤترو
قدیر بیلن یاخشی همدم دن اؤترو
واقف ، جان اوزولور ، باش اوزولمزمی؟
*

ندن کوسوب طبعی نازیک اولان یار - ملا پناه واقف

ندن کوسوب طبعی نازیک اولان یار
بیلمه نم کی ، بونا نه چاره گرک ؟
نه دئمک دیر دوست - دوستوندان اییلمک
گرک کی دوزه له یول ، آرا گرک
*
گؤره سن نه دومیش رقیب بی پیر
یار اولوبدو مندن ها بئله دیلگیر
من اوندان ائتمه رم جانیمی تقصیر
آما کی اؤزوندن اشاره گرک
*
اتک لیی آلتون ، قسابه سی زر
چهرایی چارقادی ، قدی برابر
باشیندا برق وورور گون کیمی زیور
اونو گؤرن دوشه اودلارا گرک
*
اشرفی دن اوزلوک ، اوزونده گؤیچک
بوغازی آلتیندا سیغاللی بیرچک
ضاباق بئله بیاض ، یاناق لاله تک
گؤز آلا گرکدیر ، قاش قارا گرک
*
اوخویوب واقفین هم ازلیندن
شیرین قافیه دن شوخ غزلیندن
دوروب اؤپوب آیاقیندان الیندن
باریشماق یالوارا - یالوارا گرک
*

گلمه دی - ملا پناه واقف

باد صبا بیر خبر وئر کؤنلومه
او گولو خندانیم نئیچون گلمدی
خیالیم شهرینی قویدو ویرانا
سروریم سولطانیم نئیچون گلمدی
*
سرخوش یئریشینه قوربان اولدوغوم
گؤرمه ینده دلی دئیوان اولدوغوم
مینا گردنینه حئیران اولدوغوم
سرو خرامانیم نئیچون گلمدی
*
قاشی کمان کیپریکلری قلمیم
آغزی شکر دوداقلاری یئملیم
الوان کلاقیلی بیاض ممه لیم
سینه سی مئیدانیم نئیچون گلمدی
*
محراب و منبریم کعبه علیام
عقلیم هوشوم جانیم هم دینیم دونیام
ائلیم گونوم اوبام میصری زلیخام
یوسف کنعانیم نئیچون گلمدی
*
نسرین بناگوشوم بنفشه مویلوم
پری لر طلعتیم ملائک خویلوم
بلبل لطافت لیم صنوبر بویلوم
حوری قیلمانیم نئیچون گلمدی
*
آغزی خئیر سؤزلوم ، دیلی دله کیم
تر گولوم آغ الیم گوموش بیله کیم
قناری جیلوه لیم طاووس باخیشلیم
لباسی الوانیم نئیچون گلمدی
*
واقفیله دؤندو بیر ساعاتیمیز
نه صبریمیز قالدی نه طاقتیمیز
بو گوندن بئله دیر قیامتیمیز
گلمدی جانانیم نئیچون گلمدی

دولدو داماغیما زولفون عنبری - ملا پناه واقف

دولدو داماغیما زولفون عنبری
واله اولدو کؤنول هاوادان سنه
الیم یئتمز نامه یازیب ، دردیمی
گؤنده ریرم باد صبادان سنه
*
اوتوروشون گؤزل گولوشون گؤزل
ساللانیشین گؤزل ، یئریشین گؤزل
خویون خلقون گؤزل ، هر ایشین گؤزل
بخش اولوب بو خوبلوق خدادان سنه
*
دوداقلارین اوخشار لعل یمنه
یادا دوشدو باغریم اولدو قان گئنه
سیاه تئل دوزورسنبیاض گرده
دوشوبدور بو قایدا سونادان سنه
*
فکر و خیالیندیر کرنلوم زینتی
شیرین سؤزلریندیر آغزیم لذتی
سن سن منیم عمروم گونوم وحدتی
یئتیشمه سین یارب ، بلادان سنه
*
غم ائوینده سالدین کنجه واقفی
ائیله دین مویندن اینجه واقفی
نئیچون اینجیدیرسن بونجا واقفی
نه حاصل بو جور و جفادان سنه
*

Dienstag, Juli 23, 2013

گلمه یه جه یم - گولایه شینیخلی

چتین کی گؤرسن اوزومو منیم
دینله سون کلمه می سؤزومو منیم
سیل قوپارقلبیندن ایزیمی منیم
گلمیشم کی دییم گلمه یه جه یم
مندن نه آپاردین حلالین اولسون
جاندان جان قوپاردین حلالین اولسون
نه ییم وار آپاردین حلالین اولسون
گلمیشم کی دئیم گلمه یه جه یم
بختیمین آتدیغی غملی اوخویموش
عشقین یا خیال یادا یوخویموش
بو سئوگیم سنین چون سانکی یوخویموش
گلمیشم کی دئیم گلمه یه جه یم
مندن نه آپاردین حلالین اولسون
جاندان جان قوپاردین حلالین اولسون
نه ییم وار آپاردین حلالین اولسون
گلمیشم کی دئیم گلمه یه جه یم
*
برنمی گردم
سخت است که دیگر مرا ببینی
حرف اخرم را گوش کن
رد خاطراتم را از دلت پاک کن
آدم بگویم ، آمدم بگویم
برنمی گردم
تیر غمی بود که بر بختم فرود آمد
عشقت یا خیال یا رویا بود
عشق من گوئی برایت هیچ بود
آمدم بگویم ، آمدم بگویم
برنمی گردم
هر چه از من بردی حلالت کردم
جان از جانم کندی ، حلالت کردم
هرچه داشتم بردی ، حلالت کردم
آمدم بگویم ، آمدم بگویم
برنمی گردم

Montag, Juli 22, 2013

بوگونلرده کی حالیم - صالح سجادی


ائشیدرکن باهاردا به به یمی
بوغدو قیش دیمدییمده چه چه یمی

گولّه دیمیش غرورلو جئیرانیدیم
هار کؤپک لر دویاندا له له یمی

قوربانام تانری نین محبتینه
بودوسا "جنت"ی نه دیر "جهیم" ی؟

منی گلدی یاپیشدیرا حیاتا
هر نه ویرنیخدی توتمادی لهیمی

قهرینه بسله میشدی سانکی منی
آنجاق آلداتدی (رحمان)ی (رحیم)ی

بیرعؤمورایت کیمین اولاتدی فقط
سئومه دی بیر دقیقه چه چه یمی


**********

دومانیدیم قوروتدولارشئحیمی
دورو چایدیم دبرتدیلر لٍهیمی

اوره ییم ده بولود سیخینتی سی وار
یوخدو بیر ایلدیریم سیخا شئحیمی

ظولمته قارشی بیر سوزَن اوخودوم
گونشه دوغرو چکدیلر زٍه یمی


ائله چیسگین لی دیر آهیم ائله کی
بوینونا داغ دا آلماییر مٍه یمی

قیش قوروتموش بنؤشه باغچاسیام
شن باهاردا آچانماییر کٍهیمی

قالمیشام کوقسه میش قنوولاردا
ایرگه نیر آنلاییر هامی لٍهیمی

دردیم آنجاق بولار دئییل شاعیر
باشقا درد آغلادیر جوارحیمی

اوتوز ایلدیر آنام باشیمدا دئییر
قویمایین سئل آپاردی (صالح )یمی

قارداش اؤلومو - شوطدو داداش

قارداش اولومو آغلادار انساني اولونجه
ويرانه كيمين گورسدر هرياني اولونجه
بو آيريليقين وصلينه يوك بيرده وصالت
داغلار بئله هجران غمي جاناني اولونجه
دوغماز بئله انساني آنا بيرده عمورده
قارداش دا گورممز منه گرياني اولونجه
تنها يوخودا گورمغيني ايستمك لازم
آرزومدو گورم من بئله مهماني الونجه
دنيا نه قدر اولدو وفاسيز سنه قارداش
ياننام يازا بيلمم بئله هجراني اولونجه
آخر گونو گوردوم او حالين آغلاديم آنجاق
قدرت گورورم خالق يزداني اولونجه
بو آيريليقا يوكدو علاج خاطره قالدي
گوز ياشي اولوردرديمين درماني اولونجه
تنها اومودوم بير جه بودور لحظه به لحظه
الدن يئره قويمام داهي قرآني اولونجه

عطشان حسین - شوطدو داداش

قتلگاه عشقيده جانلار وئرير قربان حسين
جان ندور الدن وئرير يئتميش ايكي ياران حسين
عشق معبوده حقيقت دير بلادان قورخو يوخ
كودكـــه 6 ماهه ده ن پاك ائيليييب احسان حسين
قوللاري نهرين كنـــــــاريندا عطا ائتدي سقا
امما افسوس جان وئرير ميداندا چون عطشان حسين
كربلا دشته بلا دير نيـــــــنوا دا نـــــــــاله گـــاه
خــــنجر آلتيندا عجب جانلار وئير پاك قان حسين
آيه هل من ناصره ينصر لييه كـــــــيمده ن جواب
اولـــــمادي اكبر جوان آلدي بير آن فرمان حسين
گيردي ميدانه الينده خنـــــــــجري مولاسي چون
كسدي بـــــــاشلار تا تلاوت ائيلسين قرآن حسين
وئردي جان شوقيله اكــبر قتلـــــــــــــگاه عشقيده
پاك و پاكيزه جــــــــوان اوز قانيله غلطان حسين
سيلدي زهرا گوزده كي قان تك آخان گوز ياشلارين
دشمني شاد اولماسين بـــــــو حاليده بيرآن حسين
زينبي ده باخدي حــــــــــسرتله او قانلي ميدانا
چون بيليردي كربــــــلا دشتينده دي ميهمان حسين
باجي قارداش آشديلار سر سـوزلري پاك خيمه ده
خيمه گاه اولدي بير آن پـــــاك زينبه زندان حسين
هي ربابي سس ســـاليردي اي بابا گئتمه اوزاق
بــــــير بئله احواليله هاممي دئيير اي جان حسين
آخرين احوالــــينه كـــــرببـــــــــــلا دا آغلادي
او زمــــــاننان ايندييه اولدي هامي گريان حسين
ظلمتين يوخ جايگاهي گر منور گورسنه
گون هميـــــــــــــشه دائما وقتينددير تابان حسين
سنده اي شوطدوداداش غــــــفلت ده قالما دنيادا
ياز قلمله كربلاده اولــــــــدو چوك طوفان حسين 
*

سولدو گولوستان - شوطدو داداش

باغبان گئتدي عجب ســـــولدو گلستان اي وطن
جه جهيننن دوشدولر بولبـــول؛پريشان اي وطن
سولدو گلستان اي وطن
اي مدينه اي وطن نام و وقـــــاريم سنده دير
شكر اولا وار عزتيم صبرو قراريم سنده دير
خنجره باش اًيمره م دارو نداريــــم سنده دير
كربلا دشتي حسينه اولدو زنــــدان اي وطن
سولدو گلستان اي وطن
بولبوله يئتسين خبراي بولبولوم حــــيرانيوام
كربلاده جان وئره ن انسان سنه قوربــانيوام
سويلدي عطشان حسين اي زينبيم ميهمانيوام
اُ گونو قالدي عجب اوردا اُ ميهمان اي وطن
سولدو گلستان اي وطن
دوشمنون ظولمو اُ گون طوفانلي طغيان ائيلدي
حق اولان پاك سوزلري دوشمنلر كتمان ائيلدي
باخ حسين اوز جانيني اهدايه قرآن ائيلــــــــدي
ائيلدي سيراب چولو اٌ گونده پاك قان اي وطـن
سولدو گلستان اي وطن
پاك توكولموش قانلاريزدينه قويوبدوچــوك اثـــر
يازدي باخ شوطدوداداش اٌكربـــلادن مخـــــتصر
ايستميشدي محو ائده دين عزتين شمر سربه سر
قالدي چوللرده حسين باخ بيرجه عريان اي وطن
سولدو گلستان اي وطن
نينوا دشتي بلالي اولدو هر انسانـــــلارا
مطلبي قانلا يازيلدي هر گونو ديوانلارا
اهله بيته انبياده باخجينان پيمــــــــانلارا
وئرديلر 72 قوربانليق احسان اي وطن
سولدو گلستان اي وطن
*

پیغمبر آغلار - شوطدو داداش

حسينين شرحينه پیغمبر آغلار
بئشيكده آلتـــــي آيليق اصــــغر آغلار
يازاندا شهريار دلريش سوزوننن
او گوننن ديواني بـــــــاخ يكــسر آغلار
حسينين غم سراسين هر كس آچسا
داش الموش هر اوره ك هر كافر آغلار
كسنده باش او گون شمره حياسيز
بير آن باخسا گوره ر قان خنــجر آغلار
با خاندا زينبه عطشان حسين جان
ملائك انس و جن تامــــحــــــشر آغلار
يازارديم نوحه لر منده حسينه
لبي عطشان سوزونـــده دفـــــتر آغلار
كسيلدي حنجره شمرون اليينن
شهادت كلمه سينده مـــنبــــــــر آغل
دوشوبدور باخ بدن عريان قوم اوسته
كفن سيز حاله مالـــــك اشتــــــر آغلار
يازار شوطدوداداش دشته نواده ن
چون او دشته تمام لال و كـــــر آغلار

*

شاه اسماعیل ختائی

ازل دن عشق له دیوانه گلدیم
یئریم مئیخانه دیر مستانه گلدیم
امامیم دیر منیم او شاه مردان
بوگون نسل علی مئیدانه گلدیم
*

زهره خلیلی

قاشا قاش دئییبلر کیپرییه کیپریک
یاخشی نی یامانا قاریشدیرمایین
قورونون اودونا یاش دا اود توتار
یاش اگر یانمیرسا آلیشدیرمایین
*

خورشید بانو ناتوان

نه یاخشی گونلریدی کیم سنین له مونس ایدیم
زمانه ایندی ائدیب سینه داغلی لاله منی
وصاله یئتمه ییبه ن زار و ناتوان قالدیم
ائدیب فلک نییه حسرت او مه جماله منی
*

خاقانی شروانی

اوره ییم سنین دیر قورو جانام من
میرواری سن ده دیر بوش عوممانام من
صبیرلی اول دئدین حالیمی پوزدون
ائله صبر اوزوندن پریشانام من
*

قارقا - جعفر خضوعی

آيري شهره دُرنا گئدير
بيزیم شهره آلا قارقا
سندن سوواي بيزيم يوردي
كيمدي يادا سالا قارقا
خيابانا مالات توكوب
چك اوستوندن مالا قارقا
اسيد قئغين آخاجلاردان
توك باشلاري دالا قارقا
اوغري گلسه بيلن اولماز
سن بوشهري تالا قارقا
غربت بیزیم اولکه میزی
سالوب يامان حالا، قارقا
يوخ قاباغا باخماق اوزي
دونوب باخير دالا، قارقا
بولبوله داش دَيَن يرده
گرك سازين چالا قارقا
الينده وار آفتاباسي
گليب بوردا قالا قارقا
سنه اَيري باخان اولماز
خوش گليب سن بالا، قارقا
*
جعفر خضوعی - وبلاک یوخا
*

قیسسا شعر - تئل ناز زنگانلی


اؤز الیمده قالمیشام
نه آتا بیلیرم اؤزومو
نه اودا بیلیرم.
قاچا بیلمیرمده اؤزمدن
قالمیشام اؤز الیمده.

*

بحر طویل - الامان - علی اکبر صابر

الامان ، سرکش اولوب گونده بیر احواله دوشن دور ، قضانین ، بو دل آزار جفاکار ، مخالف عملیندن ، که یاقوب عالمی ناره ، قویوب آواره ، خصوصن من بیچاره ، کی همواره یابنو ، نی کیمی اودلاره ، بئله جوش و خروش ائیلیورم ، سانکی سماواره دؤنن قلبیمه بین لرجه شراره وورولوب ، اشک تریم جاری اولور ، کاسه چشمدن ، امان بار خدایا ، بو نه سوزش ، کی دوشوب جسم نزاره ، دل زاره کیم ائدر دردیمه چاره ، کی گلوب عرصه یه تازه اوقوموش ، بیر نئچه پاره عرفا و ادبالار ، کی قویوب بدعته علم آدنی ، ترغیب و، تحریص ائلیور لر بیزی ، ، ول امر شنیعه گئنه بونلار ، نه دئیه عئیب ائله مز ، چونکو گئدیب علم اوقویوب ، قورصی تمام ائیلیور ، آز چوخ نه اولا کسب مراتیبده ادیبلر ، آ کیشی تنگه گتیردی منی واللهی ، بو ناققال شعرالر ، هده ره ندن ، پده ره ندن نه بیلیم ، بویماده ره ندن ، نئجه سرسم دانیشیرلار ، نه ایش اولسا قاریشیرلار ، نئجه عیب آختاریشیرلار ، نئجه گؤر یولدان آزیرلار ، نه گؤرورلرسه یازیرلار ، نئجه حرمتلو « غریب » اولسادا فورن تانیشیرلار ، قولاغیم باتدی ، نه چوخ چوخ دانیشیرلار ، بو نه مکتب ، نه مکاتب ، نه مراتب ، بیزه بونلار نه مناسیب ، عجبا جدیله اجدادیمیز ارثی اولوب بیزلره میراث حقیقی ، قالان عادت علاماتله اعمالیمیز ، جمله بو افعالیمیزی ، شعرله تغییر و تبدیل ائله مک ، فکر شنیعینده اولوب ، بیزی هر بدعته ، اغفال له ، ایصال ائلیورلار ، کی آپار اوغلونو ویر اوشقولا ملاسینا ، اگلش بالاوین یاسینا ، باخ بیرجه سن الله بولارین وئردیگی فتواسینا ، یعنی اؤز الینله الئه اولادیوی روس ، صد افسوس کی ، بیر پاک و پاکیزه مسلمان بالاسی ، خارجی اولادی کیمی ، شاپقا قویوب ، ایشتوت میشتوت اوقویوب ، آخیری بیر دوقتور اولوب ، ملت اسلامده ، درده دوشنه ، ایستیکانین نیصفی چاخیر ، نیصفی سواجزالارینی ، چاره بیلوب ، مؤمن دیندارین ائده قارنینی مردار ، و حال آنکی ، گؤزو سورمه لی ، ساققالی حنالی، الی تسبیح لی ، الله قولو ، پیغمبریمیز امتی ، گؤگلونده ترحم کؤک آتیب ریشه سالانی بیر کسه ، اصلا ابدا ، بیرجه خیانت ائله مه ک ، بیلمیوب ، عمرونده خرید ایله فروشی ، دوز اولوب ، مشک عوضی مشتری یه رب وئره ن ، اول حضرت حال الحرمین ، گؤزل عطار دکانینده کی ، هرگز ده سیچان هنده وریندن اوتوشوب فضله سالا بیلمه دیگی ، آغزی قاپاقسیز قوصولاردا ، کی اون ایلدن بری ساخلانماق ایله ، عطریده ، تاثیریده آرتماقدا اولوب ، ناخوشو هر درد و مرض دن، قوتاروب ، غصه دن آزاد ائله یه ن ریشه ختمی ، گول بالونه سنا مرمکی با حب سلاطین ز گرک ، بهمن پیچ ایله ، هلیله و بلیله قالا
ای وای آلان اولمویا ،ازوای ، گئده قیش گله هم یای اؤته ، ایل دولانا ، آی ، ساتا بیلمیه مومیای ، ایش اولدی بودا ، های های
*

بحر طویل - ای فلک - علی اکبر صابر

ای فلک ظلمون عیاندیر ، بو نئجه دور و زماندیر ، کی ایشیم آه و فغاندیر ، منی یاندیرما آماندیر ، گؤزومون اشکی رواندیر ، اوره گیم دوپ دولو قاندیر ، هامی غمدن بو یاماندیر ، کی نئجه اهل قلملر ، بوراقیب جانیمه غملر ، قاریشوب درد به هم لر ، اوره گیم ایندی ورملر ، غازیته ژورناله بو کفر شیمر لر ، نئجه جراتله رقملر یازوب ، ایسلامه سیتملر ائلیوبلر ، کی گرک عالم اسلانده ، هر اولکه ده ، هر شهرده ، دینار و درملر ساچیلوب ، مکتب نسوان آچیلیب ، قیزبالالار ، مکتبه حاضر اولالار ، باشدان آیاغه گئیه لر دون ، گئده لر مکتبه اون اون ، دوتالار شیوه بدعت ، اوخویوب نحو له حکمت ، آلالار درس طبابت ، بیله لر جمله کتابت ، ائده لر یازماغا عادت ، ایته عصمت ، یاتا عفت .... آمان ای واه آی الله : بو قوم اولدو نه گمراه ، بو نه شیوه اکراه ، بو نه زمره بدخواه ، سالوب عالمه پرخاش ، بولار لال اولا ای کاش ، دوشه باشلارینا داش ، خدایا بو نه گفتار ، نه رفتار ، نه مردار ، نه بی عار فناکاره ، بیزی سوق ائله مه ک فیکرینه آماده اولوبلار ، قیزا لازیمدیر اگر بیلمه ک ، اودا ائو ایشی ، پالتار تیکیشی ، کهنه یوماق ، یون داراماق ، دون یاماماق ، صحن و سرانی سوپوروب ، کاسه نی قابی اوفوروب ، کوفته کلم دولماسی ، مت حالواسی ، ات بوزباشی ، یا لوبیالی آش ، بیرداهی تندیر لاواشی ، ائله مکدندیر عبارت ، کی اگر بونلاری دا بیلمه سه عیب ائیله مز آنجاق ، قیزا گر لازمه او بیر ایکی اوچ مسئله نی بیلمه ک ، بو اولومر امره کفایت ، بو اولور کی گلین گئتدیگی ائوده ، باجاروب قاین آنایا قاین آتایا چیمخیرا بیلسین ، کی اونا سؤز دئمه یه ائتمیه بیر کیمسه ده جرات ، ( بریده قینی ایله صاحبی مابیننه برحادثهء‌ تفرقه درکیم آگا دایر ایده حیلت که بش اوچ گونده چون ایلدن قازانلمش بوقدرمهرومحبت اوله تبدیل عداوت بری هم آخری اک عمده سی دامدا باجانک هم خوخی تک خورتدانک آدلارینی بلمگده گرک سعی ایده عورت نه قدر فایده سی وار بو ایشک گر اوله دقت که اگر آغلیا یا اینکه دجلک ایده بر طفل نهایت آناسی سویله بو آدلاری فی الفور ایده ر اولادنی راحت و قالارعقلی سلامت باشی چکمزده ملامت . )
بو دور عالم نسوان
بودور حال مسلمان
گرکدیر ائده محدو
اؤز ائولادینی اینسان
سن اما هله قانما
اینانمیرسان اینانما
فرحلن عملیندن
اوتانمیرسان اوتانما
با تشکر از آقای محمد قربان زاده که لطف کرده و بقیه شعر را ارسال کرده اند

بحر طویل - آقشین فاتح ، ائلشن خزر


اولون آگاه جماعت ، دانیشاخ بیزده نهایت ، و ائدک حال حکایت ، بو کولئیلر شهریندن ، باکی نین هنده وریندن ، دنیزیندن خزریندن ، نئچه میلیون نفریندن ، جماعاتین گدریندن ، چوخو ایش سیزدی بیچاره ، گزیر آواره – آواره ، نه زاواق وار نه اداره ، گئده هاره ، هانی چاره ، اوزو قاره ، قاییدیر کوفلتین ایچینه ، یئمه یه یوخ داها هئچ نه ، هله وار بورجودا اوستونه ، باخیر اؤز مولکونه گؤزونه ، نئجه ائتسین ، نه دوزه تسین ، نه ترره تسین ، گئنه گئتسین توکانا نیسیه چؤرک اوچون ، بیردنه اکسیه نئیچون ،آغیز آچسین کمک ایچون ، اوزوده یوخدو دئمک اوچون ، یوخوموزدو هله بیرزاد ، معاشین آلمییب آرواد ، اؤلوون روحو اولار شاد ، بیزه گل ائتگینن امداد ، وئره رم بورجووی ای داد ، گئده رم کافوره من ، باش وورارام هر یئره من ، لاپ گیره رم دار یئره من ، قوم داشییب داش آتارام ، قیرخی قازان قاینادارام ، اون دانا اینسان ساتارام ،مترونو لاپ پاددادارام کی ، آجانیم من ، تکی پوللار قازانیم من ، پولوم اولسون دولانیم من ، کئف ائدیم دوررالانیم من ، قوناغیم دا اولا چوخلو ، کسه سن بیر نئچه تویوغو ، چاییوی قندیوی بوللو ، آما تاسف کی عموغلو ، بو خیال دی ، و سوال دی ، بو نه حالدیر کی دوشوبدور بو جمعیت ، دئییشیب پیس جور وضعیت ، گئدیر الدن مدنیت ، نه نصیحت ، نه وصیت ، چوخوسو حدین آشیبدی ، دولاشیبدی ، دوشونور زور یاراشیبدی ، و چاشیبدی ، ائروتیک فرمالاشیبدی ، نه بیلیم باشقالاشیبدی ، بشر اهلی ، شهر اهلی ، و در اهلی ، گئیینللر ائله پالتار ، جانیم اولماز بئله ده دار ، یاپیشیر انداما شالوار ، گؤرونور هر شئیی آشکار ، نه حیا وار ، نه آبیر وار ، گؤرجکسن قوجا کافتار ، دوشونوب مد دو بئله ، بحثه گیریب گئنج لریله ، یاشی چاتیب یئتمیشیله ، احوالی گلمز کی دیله ، گؤرونوشو اوخشار کی فیله ، راز ائله ساچیب مینی گئییب ، کیمسه اونا زوردو دئییب ، اوز گؤزونو زر بورویوب ، بیر یانی آرتیق چورویوب ، آی ، بو اولوب زای ، دئدی وای وای ، اوخو وای وای ، نه بیلیم دای قوجا ، بو یاشدا بو حالنان ، یاشی ییر هانسی خیالنان ، بو فیکیرنن ، بو آمل نان ، اؤزونو جاه و جلال نان ، گمان ائلییر ، جوان ائلییر ، غلام ائلییر ، یامان ائلییر ، هله بو هاراسی دیر کی ، بو اوره ک یاراسی دیر کی ، گؤزون آغ قاره سی دیر کی ، بیر ائوین بیر قیزی واردی ، و گؤزل جاذبه داردی ، بو گئجه بیرسینه یاردی ، سحر اؤزگه سینه نگاردی ، نه بی عاردی ، بو گؤزل یولدا گئده نده ، سوزه رک پرواز ائدنده ، نه گؤرنمور کی بدن ده ، گؤبک آشکار ، یاری چیلپاق ، سینه سی چؤلده آغ آپ آغ ، گؤزو اویناق ، اوزو قایماق ، یاری دان دیر یاشی یوخدو ، هله اون بئش یاشی یوخدو ، بونون آ ! قارداشی یوخدو ؟ چیخا اوردان قاباغیندان ، توتا بیر یول قولاغیندان ، آسا گؤیدن آیاغیندان ، بئله دیر عادتیمیز ، اولسا لکه عصمتیمیز ، ناموسوموز غیرتیمیز ، کی بویوروب شریعتیمیز ، وور ، وور آ قارداش ، حلال اولسون ، بئله قیز قوی توپال اولسون ، گئنه عبرت مثال اولسون ، گله جک نسله زمانه ، بو یاراشماز کی زنانه ، توشه خام فکره گمانه ، بئله جانانلاریمیز وار ، هله نقصان لاریمیز وار ، ائله اوغلانلاریمیز وار ، گؤزو ماوی ، اؤزو ماوی ، هله رنگین بئزه نیرلر ، بئزه نیرلر دوزه نیرلر ، قیزا اوخشار ، ائله اطوار ، ائله شالوار گئیینیب بالدیرا یاپیشیب ، نه بیلیم آندیرا یاپیشیب ، ائله بیل کی قیرا یاپیشیب ، قیزیشیب اؤزونه باخیب ، قیرخیب اوزون پودرا یاخیب ، گؤزلرینه لینزه تاخیب ، قیز کیمی دیرناق بوراخیب ، بو ! ، کؤپئی اوغلو ، اینه ی اوغلو ، سئفئیح اوغلو ، اونودوب اصلی نی سویونو ، تیخانیب پانبیغا بویونو ، یئره سوخدوم کیشی بویونو ، وار اهله اینجه ده تای لار ، دیله گمز ائله حاللار ، نئچه ایلدیر کاپیتاللار ، آچیلیب اوزونه کاناللار ، گئجه یاری چکیشیللر ،بئله ایش لر ، بئله پوزقون وئریشیللر ، بو مدنیتی میزه ض دور ، بو جمعیتیمیزه ضد دیر، بو شریعتیمیزه ضد دور ، شریعتیمیز بئله یازیر ، یولونو بنده لر آزیر ، ته زه مذهب یارادیرلار ، هله مکتب یارادیرلار ،بئله بیر دب یارادیرلار ، بالاغی دیزینه چاتیر ، بیر شله سه ققل اوزادیر ، دین ده خرافات یارادیر ، شانینی وقرینی ساتیر، آی دا بئش یوز دولار آلیر ، عاغلینی پیس یوللار آلیر ، زامدان ائله پول لار آلیر ، بو حرام زاده او پولنان ، آییریر آللاهی قولنان ، آتانی دوغما اوغولنان ، یئنی نسلی بو اصولنان ، چکیر اؤز یولونا بو ناکس ، دانیشیر تبلیغ ائدیر بس ، نه قانیر دین مقدس ، گئیینیرلر ائله دون لار ، گویا پیغمبرین اونلار ، عزیزی دی ، خلفی یدی ، گویا صالح سلفی یدی ، هامی شیطان هدفی دی ، چوخالیرلار آفیریس لر ، داها پیس لر ، چاتان ایس لر ، قاریشیب یاخشی یا پیس لر ، بونو قویما بئله آللاه ، چکیری یا ، اولار هر شئی اونا آگاه ، اونون اسما ، کیم اولار شیطانا همراه ، یانار هر گاه ، بئله پیغمبر امامی ، ائشیدیر تانری کلامی ، دورار آللاه اونا هامی ، کی او کس لر قرآنین ناطقی دی ، بنده کیمی لایقی دی ، عهد و وفا صادقی دی ، اهل بیتین عاشقی دی ، حقه اطاعت ائدینیز ، هر گون عبادت ائدینیز ، حجی زیارت ائدینیز ، بویله شهادت ائدینیز ، لا اله الا الله ، محمد رسول الله ، امیر المومنین علی ولی الله ،
*

Sonntag, Juli 21, 2013

دل غافل : غافیل کؤنول - لیلا کسری

دلم ای دل غافل ،نذار تنها بمونی
دیگه چشماتو وا کن ، ببین رفته جوونی
میخوام بیست ساله باشم ، میخوام سی ساله باشم
میخوام وقتی بهاره ، گل امساله باشم
چه زود میرسه سرمای زمستون
میاد برف ، رو گلا رو میپوشونه
دیگه هیچی ، حنام رنگی نداره
همین موی سفیدم یه نشونه
چقدر خاطره از عشق تو این موی سپیده
بازم دل میشه عاشق ،همینم یه امیده
میخواستم که منم اهل دیاری
که باغاش گل و بلبل داره باشم
دوباره مثل روزای جوونی
یه خوشبخت و یه آتیش پاره باشم
چقدر خاطره از عشق تو این موی سپیده
بازم دل میشه عاشق . همینم یه امیده
*
غافیل کؤنول
کؤنلوم ای دلی کؤنلوم ، ایسته مه یالقیزلیغی
آچ گؤزلریوی بیر گؤر ، گؤر گئدن جاوانلیغی
ییرمی اولماق ایسته رم ، اوتوز اولماق ایسته رم
باهارین یازین چاغی ، فیدان اولماق ایسته رم
نه تئز یئتیشیر قیشین سویوقو   
گلیب گوللرین اوستونه قونورو
منه هئچ زد حنانین دا رنگی یوخدو
ائله آق ساچلاریم اوندان نیشاندور
نه خوش خاطره لر وار ، منیم بو آق ساچیمدا
گئنه کؤنو عاشیق اولور  ،بو اؤزوده اومود دور
ایسته ردیم او ائل دن اولام ، باغلاری
بوتون گل سنبل بلبل له دولودو
گئنه جاوانلیق ین چاغلاری کیمی
هم باختاوار هم اوت قیرناسی اولام
نه خوش خاطره لر وار ، منیم بو آق ساچیمدا
گئنه کؤنو عاشیق اولور  ،بو اؤزوده اومود دور
*