Samstag, Mai 18, 2013

کیشی - خسته قاسم

ار اودور کی ائل باشینی ساخلایا
البته اؤز باشین ساخلار هر کیشی
دوشمان باریشدیرا ، قانلار باغلایا
اودور ائل ایچینده معتبر کیشی
*
نامردین چؤرگی قارین دویورماز
ایکی قانلی بیر - بیریندن آییرماز
یوز نامرد ییغیشا بیر ایش قاییرماز
البته کی ایش دوزه لدر نر کیشی
*
من خسته قاسیم مام هم کمر بسته
کیشی لر یارانیب بیر نئچه دسته
کیشی واری کی داغی قویار داغ اوسته
سؤیله یرلر اونا پرهنر کیشی 
مرد کسی است که ایل و تبارش را حفظ کند 
البته که هر مردی می تواند خود را نگهدارد 
دشمنان را آشتی داده و جلوی خونریزی را بگیرد 
چنین شخصی در میان مردم مرد است 
*
نان نامرد شکم را سیر نمی کند 
دو همخون را از هم جدا نمی کند 
صد نامرد هم جمع شوند کاری نمی کنند 
البته که کارها را مرد روبراه می کند 
*
من خسته قاسمم کمر بسته ام
مردان چند دسته خلق شده اند 
مردی کوه را بر سر کوه می نهد
لو را مرد پرهنر می خوانند
   

الیمده - خسته قاسیم

اوچ گوندور چیخمیشام او تیکمه داشدان
قاپینا گلمیشم جانیم الیمده
آیاغین تورپاغی قووما قاپیندان
سیزیلدارام گریبانیم الیمده
*
شیدا بولبول کیمی یامان آغلارام
سینه م باشین دویونلرم داغلارام
لزگی کیمی یوز عاشیغی باغلارام
اگر اولسا سخندانیم الیمده
*
خسته قاسم کسیلیبدی خطابیم
قیزیل گول تک چکیلیبدی گولابیم
بولور قاشلی قیزیل اوزلو کیتابیم
یوخدور زرلی قلمدانیم الیمده

Mittwoch, Mai 15, 2013

بیر گؤزل مستزاد - ابوالقاسم نباتی

ائتدی منی غم تاپداغی بیر گؤزلری خومّار
بیر دلبر عیِّار
ساقی منه وئر لوطفیله بیر ساغر سرشار
غمدن منی قورتار
یوخ غایتی تقریر ائله سم مین گئجه - گوندوز
شرح غم عشقی
پایانه یئتیشمز ، نه قیلیم درد دل اظهار
مین گیزلی سؤزوم وار
ائتمین منی مجنونا برابر سیزی تانری
ای اهل خرابات
گؤردو نئچه ویل یارینی اول عاشق حرّار
اول ساکین کوهسار
آللاه بیلیر من کیمی بیر عاشق محروم
دونیادا تاپیلماز
شاهیددی بو احوالا ایکی دیده خونبار
هم آه شرربار
هردم دیله رم چاره اجلدن غم هیجره
گلمزکی نه حاصیل
قالدیم بئله بو درددیله بی مونس و غمخوار
بی یار و مددکار
ای عشقه دوشن عاشق بیچاره یقین بیل
کیم دادا یئتن یوخ
من ائیله مدیم دوغروسو آللاهیما اقرار
خوشدور مه زونّار
مسدود اولوب چارطرفدن منه یاران
ابواب فتوحات
گویا کسیلیبدیر منه بیر محرم اسرار
بیر یار وفادا
افسون و فسونون اثری اولمادی هرگیز
اول طورفه نیگارا
آسان ایشیمی ووردو دوعا ائیله دی دوشوار
قالدیم بئله ناچار
نه عقلده کام اولدو میسّر، نه جنوندا
ای عارف سالیک
سن مندن ائشیت ، بیر گوله اول طالیب دیدار
اگلش بئله بی کار
فاش ائتمه گیلن سرّینی هر جاهیل و خامه
اول عاشیق کامیل
سن اولماگیلان من کیمی هیجرانا گرفتار
مهجور و دل افکار
هیجران دئمیش اولدوم قلم اود دوتدو آلیشدی
آهیم شرریندن
بیر خنجر خونریز گتیر ، باغریمی بیر یار
بیر گؤرکی نه لر وار
زهر ائیله دیلر بو ایکی گون دیرلیگی بالله
من عاجز زاره
کور ائتدی منی جؤوریله بو چرخ ستمکار
جاندان نئجه بیزار
چوخ ائتمه شیکایت ستم چرخدن ای دل
خوش شیوه دگیل بو
ایسترسن اگر گؤرمیه سن طعنه اغیار
آه ائیله مه زینهار
اول سنگدیلین باشینا چوخ دؤیمه نباتی
واللاه کی یانارسان
تؤک قانلی سیریشکین ، دئی گیلن صیدقیله تکرار
یا حیدر کرّار

اولدوم - ابوالقاسم نباتی

دوشه لی عشقه ، خوار و زار اولدوم
شمع تک دود آها یار اولدوم
یاندیریب خرقه و ردانی ، تمام
شیخ صنعانا ننگ و عار اولدوم
دئدیلر آدیما خراباتی
خلقه بیر کوفر آشکار اولدوم
تنگه گتدی منی ملامت لر
ساکین دشت و کوهسار اولدوم
درد هیجرانا تاپمادیم چاره
نه عجب شاه تاجدار اولدوم
چون نباتی اونوتدو دونیانی
من ده بو خلقدن کنار اولدوم

گؤیچک - گؤیچک - ابوالقاسم نباتی

گلدی بیر شوخ گئنه یانیما گؤیچک - گؤیچک
ووردو بیر تیغ جفا جانیما گؤیچک - گؤیچک
لاله روخسارین ائدیب خون دیلیمدن گولگون
بویادی اللرینی قانیما گؤیچک - گؤیچک
پاره - پاره جگریم شیشه چکیب ائتدی کباب
تیکدی گؤز دیده ی گیریانیما گؤیچک - گؤیچک
حیف کیم اولمادی بو عاشیقه بیر جانی یانان
دئیه بیر دردیمی جانانیما گؤیچک - گؤیچک
پناه آللاها دئییب ، قهر و غضب دن یوما گؤز
ائده بیر عرضیمی سولطانیما گؤیچک - گؤیچک
تا کی پروانه کیمی شؤوقیله بو جانی فدا
ائدم اول شمع شبستانیما گؤیچک - گؤیچک
اولو یارب ! گؤره سن بیر گئجه اول .الی مصر
گله بو کلبه ی احزانیما گؤیچک - گؤیچک ؟
غم یئمز داهی نباتی اگر اول شاه جهان
باسا بیر موهرنو فرمانیما گؤیچک - گؤیچک

اولدوم - ابوالقاسم نباتی

بس کی بو اوزدن ایراقلارایله یولداش اولدوم
شربت قند ایکن ، شیره ی خاشخاش اولدوم
او ملک منظره آشفته و حیران اولالی
سگ شبگرد کیمی دیده ی خفاش اولدوم
اهرمن تک نئچه یول عشق بوساطین ییغدیم
یئنه فرمان سلیمان ایله فراش اولدوم
ایسته دیم تا کی اولام لعل لبین صرافی
عشق بی چیزی اولوب قیزلارا بئش داش اولدوم
جان و دل وئردی نباتی سنه ، داهی نه یی وار
دئمه بالله کی عجب عاشیق قلاش اولدوم

هئچ - ابوالقاسم نباتی

ای کؤنول ائتمه شور و غوغا هئچ
چکمه بیهوده رنج سئودا هئچ
بی وفا عمره اعتبار ائتمه
اولما آلوده فکره اصلا هئچ
خاک اولور عاقبت فقیر و غنی
حاصل مال و ملک دونیا هئچ
عارف اول عارف اولما زاهید خشک
اختیار ائتمه زهد و تقوا هئچ
مبتلا اولما نشئه بنگه
مئل گول فام و جام مینا هئچ
همت ائت اولگینان یقین اهلی
کوفر و دین بحثین ائتمه قطعا هئچ
ای نباتی سنینله حقدیر یار
غم یئمه عالم اولسا اعدا هئچ

دوبیتی لر - چارپارالار ابوالقاسم نباتی

دور گل ای عشق! کؤنول ملکونو بر باد قیلاق
عقلی یغمایا وئرک ، شهر نو آباد قیلاق
گلگیلن سؤزبیر ائدک ، غئیری آرادان گؤتورک
جانی جانانه وئرک ، دهرده بیر آد قیلاق
*

ساقیا ! گردشه سال باده حمرانی گؤرک
دردمندیک بیزه وئر بیر تیکه درمانی گؤرک
ایستیرم منده هوا اوزره گزم دونیانی
دور گتیر خاتم یاقوت سلیمانی گؤرک
*

یاخشی سالدین بو نباتینی نظردن یا علی
اینجیدین ، بیلدیم یقین بو چشم تردن یا علی
عهد و پیمان ائیله دیم گؤرجک سنی خندان اولام
گل دولانیم باشینا بیر یول بو وردن یا علی
*
سالمیسان سن بو نباتینی نظردن یا علی
کیم یئتیر دائیم غذا خون جگردن یا علی
فیکر و ذیکریم یوخ سنین اسم اعظمیندن سووای
دوشسه بیر یول گر خبر باد صبادان یا علی
*
تحویل حمل چو ائتدی سلطان باهار
گول جوشا گلیب شاهید مئی آچدی عذار
ساقی گؤتوروب پیاله ، مطرب چنگی
بیر جامیله الدن آلدیلار صبر و قرار
*
صد شوکر کی قلبیمیز صفا تاپدی یئنه
ساقی الی ، جام بی ریا تاپدی یئنه
بیر خسته کی مرگ دیر اونون درمانی
بیر جامیله گؤر نئجه شفا تاپدی یئنه
*
صبح اولدو گتیر شراب ناب ای ساقی
ائتدی منی غم ، یاخشی کباب ای ساقی
مستانه گؤتور جام جمی ، وئر باده
ساز اولموش عجب چنگ و رباب ای ساقی
*
حالیم یئنه ده اولدو یامان ای ساقی
قوربانین اولوم بسدی دایان ای ساقی
کؤنلوم ائوینی لشکر غم ائتدی خراب
وئر باده کی باغریم اولدو قان ای ساقی
*
عید اولدو ، جهان خرم و خندان اولاجاق
هر قطره مئی شیشه ده بیر جان اولاجاق
وه ! وه ! گئنه درد نوشلار بزمینده
ساقی یخیلیب ، پیاله غلطان اولاجاق
*

علی دیر - ابوالقاسم نباتی

منیم عالمده سولطانیم علی دیر
منیم میر جهانبانیم علی دیر
نه دارا تانیرام من ، نه سکندر
منیم فغفور و خاقانیم علی دیر
بهشتی زاهیده وئردیم سراسر
منیم گلزار و رضوانیم علی دیر
اگر هر کیمسه نین بیر شاهی اولسا
منیم ده شاه شاهانیم علی دیر
توتوب هر مرغ بیر گلشنده مسکن
منیم ده باغ و بستانیم علی دیر
منی بو اسم اعظم ائتدی ناطق
منیم مجموع دیوانیم علی دیر
اگر خنجر چکه دوشمن غم ائتمه
منیم ده تیغ عریانیم علی دیر
منیم سرمایه عمرومدو مولا
منیم جیسمیمده بو جانیم علی دیر
منیم یوخ اوندان اؤزگه ذکر – فیکریم
منیم بو جاندا جانانیم علی دیر
منیم کشتی نوحوم مرتضی دیر
منیم موسی عمرانیم علی دیر
منه ظلمت یولون گؤرسه تمه ای خضر
منیم ینبوع حئیوانیم علی دیر
منیم روح الله هیم اولدو ید الله
منیم شاه سلیمانیم علی دیر
نه دیر باغ جنان و نخل طوبی
منیم سرو خرامانیم علی دیر
منی سئیر گولوستانا آپارما
منیم سئیر گولوستانیم علی دیر
منیم پیر مغانیم شاه مردان
منیم ساقی مستانیم علی دیر
منیم عمروم منیم روح و روانیم
منیم مرغ سنخدانیم علی دیر
منیم عرشیم منیم فرشیم اودور او
منیم مئر فروزانیم علی دیر
منیم روح و قلم ، کرسی سریریم
منیم اورنگ کیوانیم علی دیر
منیم عودوم منیم رود و سرودوم
منیم هم راح و ریحانیم علی دیر
منیم بزم نشاط و عیش و نوشوم
منیم شمع شبستانیم علی دیر
منیم جام مئی و نقل و کبابیم
منیم سالار ائیوانیم علی دیر
منیم مولکوم منیم مال و منالیم
منیم هم حکم و فرمانیم علی دیر
منیم تختیم منیم تاج و رواقیم
منیم بانی بنیانیم علی دیر
منیم ابریم منیم برق جهنده م
منیم رعد خروشانیم علی دیر
منیم لعلیم منیم در خوشابیم
منیم باران نئیسانیم علی دیر
او شاهبازین اسیری مرغ جانیم
منیم شاهین و ترلانیم علی دیر
دئیه ر دائم دیلینده خان چوبانی
منیم هر درده درمانیم علی دیر

Samstag, Mai 11, 2013

قایاقیزی - شوطدو داداش

قايا قيزي داش ماكـــونون تورك قيزي
حيران ائدير تورك سوزونده باخ بيزي
شوطدوداداش يــــــاد ائلدي باخ سيزي
                   ياشا ياشا توركون قيزي سن ياشا
                   گــــونلريوي شادليقينان وئر باشا
قايا قـــــــيزي تــــورك ائلينين قاياسي
تورك اوشاقـــــين واردي سنه دعاسي
قلملرنن نورلــــو اولســــــون اوباسي
               توركون قــــيزي قلم الدن دوشمسين
               آدين قالسين بير آن ديلدن دوشمسين
قايا قــــــيزي داش ماكـــوده ن غربتده
آمما آدي بـــــــو مـــــاكوده صحـــبتده
عمور بــــويـــو قالــــميياســـان ذللتده
                توركون قيزي قلم سننن خوش يازار
               نامرد اولان بوديــــــــواننان تئز آزار
قايا قــــــــــــيزي بير طــرفده بازرگان
كيشميش تپه-يــــــولاگــــلدي- چالدران
شوط شهرينن شوطدوداداش سوزيازان
             بــــونلاريـــــدا يـــازديــــم قالا ديوانا
             بلكه سننن ســوزلــــر يئته هر يـــاتــا
قايا قيـــــزي قزبعــــلي وار شير باشي
بو ايراندا مشهوردو مــــاكو داشــــــي
هيچ كس آتماز بوماكــــوده يولداشــــي
              توركون قيزي داغين داشين وار السون
              آغيري داغـــين باشي بوردا قار السون
قايا قـــــيزي ســـرداريــن كاخي موزه
داش مـــــاكــوده ايــندي گليبدير گوزه
اي كاش اولا گئلك بير گون اوز اوزه
              خاطره لر ديــــوان ســــوزو سوزلنه
              ياوخونلوقدا مطلب سوزلــــر ايــزلنه
قايا قــــــيزي سنــــگرده فرهاد دامـــي
ياخچي تانيراونو مــــاكـــــوده هـــامي
 بير گون اولار قوناق اولارسان شامي
            ائل اوشاقي سوزلر بحثيـــن آچاللار
            قانات تاپيب تورك ديلينـــده اوچاللار
قايا قـــــــيزي اطـــــــرافينده هنـــدوار
بير باغچاجوق بيرده هاسون مانـــدگار
قره تپه-خــــلـــج-بـــلجـــك يـــــادگـار
           اطرافينــــدا گوزه ل كئدده ر آدلانير
           بو وبلاگدا يـــوردون يووان يادلانير
قايا قـــــيزي شوطدوداداش قارداشيز
بوديوانــــــــنان بو سوز سنه پاداشيز
ساغ سلامت السون هر آن يولداشيز
         توركون قيزي توركون ديلي هرياندا
         دنيا بويو آديــــن يازديــــم ديــــواندا
*
 شاعر : یوسف پورعظیم شوطی  متخلص به شوطدو داداش در نهم بهمن ماه 1385
*

اوغرادیم - شاه اسماعیل ختائی

بیر بلادان قاچیبان یوز مین بلایا اوغرادیم

بیر زامان شاد اولمادیم درد و بلایا اوغرادیم

قان یوتوب هر لحظه بیر درد و بلایا اوغرادیم

نئیله ییم اى دوستان من بی وفایا اوغرادیم

*
شول فلکین گردیشى، هئچ وقت منى شاد ائتمه دى

خسته کؤنلوم بیر بلادن، غمدن آزاد ائتمه دى

آیرى دوشدوم قووم و قارداشدان منى یاد ائتمه دى

من تکین بختى قارانى خانه ویران ائتمه دى

نئیله ییم اى دوستان، من بى وفایا اوغرادیم؟
*

گؤرسه لر احوالیمى هر موبتلا ییغلار منه

آه و ناله مدن یانیب شاه و گدا ییغلار منه

دال ائدیپ بیگانه لر هر آشینا ییغلار منه

رحم ائدیب هر مفلس و هر بینوا ییغلار منه

نئیله ییم اى دوستان، من بى وفایا اوغرادیم؟
*

اى خودایا ائیله دین غمدن صنوبرى نه حالا


هئچ موسلمان اولماسین من تک غم ایچره موبتلا

لوطف ائدیب یا خیضرى پئیغمبر مدد ائت سن منا

قالمیشام دار و فنا ایچره گیریفتار و بلا

نئیله ییم اى دوستان، من بى وفایا اوغرادیم؟

Freitag, Mai 03, 2013

میرعلی موسوی متخلص به حامد ماکوئی

میر علی صادق موسوی «حامد ماکوئ» ماکو شهرینده دؤونیایا گلیب.ایل لر بویو یازیب یارادیب و آذربایچانین قیزیل ورق لی ادبیاتی نین اینکیشافیندا گؤزه گئلیم آددیملار آتیب.
شعر و ادبیات اهلی کی حامد ماکوئی نین غزل لریله تانیشدیلار یاخشی بیلیرلر اونون شعرلی نه اندازه ده احساسلی و ذوق یاراداندیر و دئمک اولار کی فضولی، علی آقا واحید، صادق خلفی... و او شخصیت لرین باجاریقلی دوامچیلارینداندیر.
او شعرلرینده یاشادیغی یئرین و عیمومیتله آذربایجان خالقی نین عادت عنعنه لرینی اؤزللیکله بایرام دبلرینی بیر ماهیر رسسام کیمی تصویره چکئیر.
«چیلله گئجه سی بایراما یاخین

چم دومان بؤرویوب آلیب هر یانی
کؤلک کؤشولداییر، قوجا فلکین
فیریلدیر فیرتینالی ده ییرمانی».
یاشلی شاعیر اوشاقلیقی خاطئرلایارکن، هابئله گنچلیک دؤورونه قاییدیب، کئچمیشلری یادلارا سالیر.حامد ماکوئی نین«بیر گؤزلی گؤردوم» اثرینی اوخویاندا ملا پناه واقیف ین «چرشنبه گؤنو چشمه باشیندا گؤزؤم بیر آلا گؤز دیلبره دؤشدؤ» شعری اوخویانا تداعی اولور.
«بیر گؤزلی گؤردؤم چشمه باشیندا 

دوروب طاووس کیمی جولان ائیله دی
گیزلین باخیشینان یئنه ده باخدیم
گؤزل لیگی منی حئیران ائیله دی».
حامد ناتورالیست بیر شاعیردیر، شعرلرینده آنا یوردو داش ماکی نین طبیعتی، شخصیت لری، آبیده لری و... دانیشیر و سؤز آپاریر، دئمک اولارکی بیر دایره المعاریف اوخوجونون ایختییاریندا قرار وئریر.

زنگمارلی نین وبلاکیندان 
*

ماکو داغلاری - حامد ماکوئی

باش چکیب ذیروه سی بولوددان کئچن

باشینا اولدوزلار اینجی لر توکن

کهکشانین سینه سینده یوخلویان

بولودلار دوشوندن سرین سو ایچن

چیسکینلی دومانلی ماکو داغلاری

ایگیت قهرمانلی ماکو داغلاری

*

عومورلر کئچیردیب بوکولوب بئلی

قار قونوب باشینا آغاریب تئلی

ائیلیب کولجه سین آچیب ائل لره

قورویور قارشیندا یاشییان ائلی

آنا مهربانلی ماکو داغلاری

ایگیت قهرمانلی ماکو داغلاری

*

بیلمه ک اولماز عوموروندن یاشیندان

دورنا قالخیب کئچه بیلمز باشیندان

عظمت لی حادیثه لر اوخونور

قایاسیندان دره سیندن داشیندان

سینه سی داستان لی ماکو داغلاری

ایگیت قهرمانلی ماکو داغلاری

*

ایل بویو بورونر دومانا چمه

باش ایمز دونیادا کدره غمه

بیر رشید قوجامان پهلوان کیمی

شهرتی یاییلان بوتون عالمه

ایفتیخارلی شانلی ماکو داغلاری

ایگیت قهرمانلی ماکو داغلاری

*

گویده اولدوزلارلان باش باشا چاتان

دوشونده آصلان لار باش قویوب یاتان

قارتال لار یوواسی پلنگ اویناغی

اوجا قایالارا تفاخر ساتان

ببیر لی اصلان لی ماکو داغلاری

ایگیت قهرمانلی ماکو داغلاری

*

آغ بورونر قیشدا یاشیل گئیر یاز

دوشلرینده گول چیچک دن یئر اولماز

جوشغون بولاغلاری قایناییب جوشار

قار یئره دوشونجه چیچه گی سولماز

گوللو گولوستانلی ماکو داغلاری

ایگیت قهرمانلی ماکو داغلاری

*

تاریخین سری آنینا یازیلان

سینه سینده کتیبه لر قازیلان

بو گورکملی قوجا قهرمان داغا

هم سهند باش ایر همده سبلان

قدرتلی توانلی ماکو داغلاری

ایگیت قهرمانلی ماکو داغلاری

*

ایکی مین بئش یوز ایل مرزده دوران

یاغی دوشمنلریله معرکه قوران

جان کیمی وطنی باسیب باغرینا

ذیروه سینده ظفر بایراغی وئران

قانلی چالدرانلی ماکو داغلاری

ایگیت قهرمانلی ماکو داغلاری

*

قیزارمیش داشلارین قلبیندن چیخان

ایگیت لری بوی بوخونلو قهرمان

وطن قاوقاسیندا جانیندان کئچن

دوشمان قاباغیندا داغ کیمی دوران

قوچاق پهلوانلی ماکو داغلاری

ایگیت قهرمانلی ماکو داغلاری
*

Donnerstag, Mai 02, 2013

اولاردیم - علی آقا واحد


اولسايدی ميسر گؤزه ليم يارين اولارديم
هر لحظه غمين چكمگه غمخوارين اولارديم
هر شب دولانيب صبحه كيمی شمع جمالين
پروانه كيمی طالب ديدارين اولارديم
ممكن كی ده گيل بيرده گزيم گولشن كويون
ممكن گر اولايدی يئنه زوارين اولارديم
اي طوطی وشيم آينه ی  حسنونو گؤرجك
آلوده اول لعل شكر وارين اولارديم
مجنون كيمی دائيم سر كويونده گزرديم
عؤمروم نقدر وارسا پرستارين اولارديم
يوسف كيمی وئرسه يديله ديدارينا قيمت
جان نقدی ايله من كی خريدارين اولارديم
واحد سر كويوندا گزرديم گئجه - گوندوز
ای مه بو ادا ايله دل افكارين اولارديم

اولمادی - علی آقا واحد

گلديم وصال ياره يئتم فرصت اولمادی
بيردم دويونجا صحبت ائدم قسمت اولمادی
جورون چكيب هميشه بو زلفی قارالارين
ديوانه كؤنلومه يئنه بير عبرت اولمادی
جنت دی مجلسيم ائله كي گلدی دون رقيب
مجلس جهنم اولدو منه ، جنت اولمادی
آز اولسا باده نين چوخ اولور روحه لذتی
حدديندن آرتيق اولسا بو بير لذت اولمادی
سرويم ديينده سانما قيامتدی قامتين
محشركی قوپمادی سنه بير تهمت اولمادی
فرهادی فضل صنعتی سئوديردی شيرينه
شيرينی عشقه جذب ائلييه ن سرعت اولمادی
عشقينده اؤلمك حسرتی اؤلدوردو واحدی
چوخ ياخشی اولدو ايسته گينه حسرت اولمادی

گیریان ایسته ر - علی آقا واحد


گوزه ليم گؤزلرين عشق اهليني گیريان ايستر
گونده يوزمن کيمي بيچاره نی قربان ايستر
نه اولار چوخدا گؤزل سن اؤزون انصاف ائيله
هانسی گول عاشقينی سن کيمی نالان ايستر
منده باخسام او لب لعلينه قان اولماز کی
بولبولون عادتيدير غنچه ی خندان ايستر
بيلمه ميشلر دهنين سیررين هله اينديه جن
کشف قيلماق بو معمانی چوخ ایمکان ايستر
او قارا زولفونون آز چکمه ميشم حسرتينی
مبتلا کؤنلومی هر لحظه پريشان ايستر
واحدی جاذبه عشقين ائديب مجنون تک
يوخسا ديوانه ليگی هانسی بير اینسان ايستر؟

ائل دوشدو بوتون حیرته - علی آقا واحد


ائل دوشدی بوتون حيرته ، ديوانه ليگمده ن
سرين دئمه ديم بير كسه مردانه ليگمده ن
خاكستر عشقم ، منه تحقيرايله باخما
مين گنج چخار ظاهره ويرانه ليگمده ن
مجنون كيمی من ، بارگه عشقي به يه نديم
گئچديم بو تمنا ايله ، شاهانه ليگمده ن
مخمور گؤزون فكری ايله ، باده چوخ ايچديم
بير كيمسه ضرر گؤرمدی ديوانه ليگمده ن
هر ماهروخون ، شمع كيمی عشقينه يانديم
بير لحظه خبر توتمادی پروانه ليگمده ن
ديوانه ي عشق اولماقا هر كيم هوس ائتسه
اول جه گرك درس آلا رندانه ليگمده ن