Donnerstag, November 29, 2012

آغلار - قویمی

هر کیم کی قویارسا رهی عشقه قدم ، آغلار
بو یولدا سئوینج اولماز ، او چکدیکجه غم آغلار
گؤر کربوبلادا نه بلا چکدی حسینیم
کیم یادا سالارسا دورابیلمز ، او دم آغلار
قالمیشسا او گون زین العباد خسته یاتاقدا
یوخ چاره سی یوز وئردی کی ، درد و علم آغلار
تؤکدو گؤزونون یاشینی زینب گئجه گوندوز
بو حاله باخیب کؤرپه اوشاقلاردا هم آغلار
آغلاردی محمد ، علی ، زهرا ، حسن حتی
میثل علمی ایچره نه کی وار محترم ، آغلار
یوخ عوذرو قیامت گونو ظالم لرین ای دل
کیم وئرمیش اگر آل عبایه ستم آغلار
چشمین کیمی یاشلار آخیدیر خامه قویمی
چون ماه محرم یئتیب الده قلم آغلار
*
می گرید
هرکه قدم در راه عشق می گذارد ، می گرید
در این راه شادی نیست ، در هین غم می گرید
ببین حسینم در کربلا چه بلاهایی کشید
هر که به خاطر می آورد می گرید
آن روز زین العابدین در بستر بیماری بود
چاره ای نداشت ، درد و بلا سراغش آمده ، می گرید
زینب شب و روز از چشمانش اشک بارید
بر این احوال کودکان نیز می گریند 
می گریست محمد ، علی ، زهرا ، حتی حسن
هر آدمی بر امان محترم ، می گرید
ای دل ظالمان در روز قیامت بهانه ای ندارند
آنکه بر آل عبا ستم کرد ، می گرید
ای قویمی خامه نیز همچون چشمت می گرید
چون ماه محرم رسیده و قلم در دست می گرید
*

بلبل شیدا - ملا قاسم ذاکر

اسیر باغ حسنون من تک اولسا بلبل شیدا
اوخور کویوندا ذوقیله « فسبحان الذی اسرا»
ایکی مستانه و مخمور چشمون فکر ائدن ترسا
اونوتماز دیلده ذکر ائیلر کی ، آمنا و صدقنا 
اساس عشقی قوردون ، کئچ فنادان توت رهی عقبا
اجارت ائیله مه کرکس کیمی دونیا و مافیها
او تاری کاکلین فیضین الیبدیر گردنی مینا
اونون چون قاره گئیمیش روزگارین اول شبی یلدا
اگر اول ماهرودام ذره ، ذاکر ، گؤرمه سم بیضا
آخار سیلاب اشکیم ، چشمه غم دن اولور دریا

سو ای مولا - معجز شبستری


هر گئجه شامدان سورا اي ماللي   
قوي چيراغي قارشيوا آچ مقتلي
عقليوي ييغ باشيوا اوندان سورا
سؤزلري ازبرله قالا آنبارا
چكمه آل بير جفت رنگي لعلگون  
از براي پاي نحس شمر دون 
وئر چلنگر چرخه چكسين خنجري  
بعدها مست ائيله شمر ابتري
خنجري تاپشير الينه کافرين  
مرده شو يوسون گؤروم او اللرين
آل اله بير نيزه يا بير آرواشان  
دور داليدا، وئر آغان شمره نشان
چون آلار خنجر او ملعون دستينه   
ائيله فرياد ائيله آي، خخ  ديكسينه
بَرك چيغير ملت آييلسين خوابدن  
او قدر آغلات کي ، دوشسون تابدن
ايسته سن کی، طول تاپسين  مرثيه  
حكم قيل وورسونلار باشين نيزه يه
خلقه تأثير ائتمه سه بو ماجرا   
سؤيله شمره نعل وورسون آتلارا
قلبي داشدان برک دير بو ملتين  
آغلامازلار، خيمه گاهه سور آتين
وور داغيت، ياندير خيامي سربسر   
بلكه بو ظلم ائيله يه خلقه اثر
گؤرسن اولمور قامچيني آل دستيوه   
ائيله وورکي، داشلانا قان اوستووه
سال عروسي  آت دؤشونه بير زمان  
تا اوجالسين عرشه فرياد و فغان
توتماسا مجلس اي مرد کوسه   
شمردن آل خنجري وئر حارسه
باغلا اطفال يتيمي قول قولا  
تا دئسين کوسسون خالا: اي واي بالا
ائتمه سه بو هم اثر باجي لره  
مسلمي آت دامدان دوشسون يئره
دهره ني آل دستيوه قصاب کيمي  
قير قابيرقاسين عمر خطاب آيمي
چون بضرب دهره دوشدو تابدان  
ايكي شقه ائيله آس محرابدان
قووزا چوب منبره  وور دستيوي  
ملت ايرانه گؤستر شستيوي
قورخوسان گر پايه ي منبر سينا  
قوخما وور، سينسا قاييتديريق گئنه
گؤزلرين هامارجا آچ باخ گؤر نه وار  
خلقي گؤرسن يوخلاييب مثل ديوار
تازيانين وور سكينه  باشينا  
عمه سين غرق ائيله تئز گؤز ياشينا
قورخورام چيخسين ياديندان ساربان   
عقليوي ييغ باشيوا اي روضه خوان
بير قيلينج پارچاسي تاپ اي شوش قولاق  
خيردا بارماغين حسينين آس گؤراخ
خلق اگر وورمور باشا، چكمير هاوار  
سنده يوخ تقصير اي ميرزا قافار
پاس باسار قلبي آؤنول شاد اولماسا  
يعني آتده داد و فرياد اولماسا
بالشويكلر چونكي آلمير اييده ني  
بهت آپارميش ملتِ غم ديده ني
لؤلؤنو قويمور اوروسلار تيفليسه  
اوندان اؤترو شور دوشموش مجليسه
مشتري يوخ چون به آلوي قره  
او جهتدن شيعه لر وورمور سره
بير يانيقلي سؤز دئ کي ، خلق آغلاسين  
شمره بير بئل وئر فراتي باغلاسين
حكم قيل لشكر آلا ساغ و سولون  
چك قيلينجي سال علمدارين قولون
مجليسي گرم ائتمه سه بو سرگذشت  
حاضير ائتسينلر گرك بير دانه تشت
ساقييه امر ائيله گزديرسين مئيي  
چالسين هم سازنده لر تارو نئيي
خيزراني وئر الينه کافرين،  
سؤيله يا مولانه خوشدور ديشلرين
ائتمه سه بو سؤزده خلقي اشكريز  
عابد بيماري وئر جلاده تئز
بير قدر ظاليم يزيده وئر عاراق
تا کي، وورسون خلق شاققاشاق
راستيوا آئچسه او ظاليم حرمله
 سؤيله ملعون قوللارين تئز چيرمالا
چون فراتي ابن سعد  ائتميش قوروق  
قوي آمانه بير عدد اوچ پرلي اوخ
پارچالار چون اوخ بوغازي اصغري  
سنده وور يومروقلا سيندير منبري
آغلامير باخ گؤر اگر ملت گئنه  
مين سمندي سور مدينه شهرينه
نعره ايي چك از جگر مانند شير  
بوينووا شال عزا سال چون بَشير
راستيوا کئچسه خانيم ام البنين  
گؤز ياشين تؤك، سؤيله با آه و انين
ائيله اشك چشمله  ياش يايليغي  
گلميشم چون وئرمگه باش ساغليغي
بو قدر بيل اي خانيم در کربلا  
قالمادي آل عبادن بير دانا
اي خانيم چون بيتدي عبّاسين ايشي  
الي مين بوينو يوغون ظاليم آيشي
ائتديلر غارت خيامي بالتمام  
قالمادي بير شاهيليق زاد والسلام
مجلسه بو قصه هم اود وورماسا  
دوش آشاغي آل اليوه بير عصا
ييغ ايكي بازويه جمله قوتين
یار قافاسين ملت بي غيرتين
سيده، ملا يه، خانه باخماها  
هرنه گلسه راستيوا وور قورخماها
قورخماسن ، ايش دوشه گر مشكله   
وئر عصاني معجز آهن ديله